Раушан ← кире кайтырга

фәнни - интеллектуаль
26 июнь – 13 июль
«Йолдызлы» СБһЯЯиһУҮ, (Лаеш районы, Троицкий бистәсе)
13 - 18 яшь

«Раушан» – фән олимпиадаларында, конференцияләрдә һәм конкурсларда җиңүче, яхшы нәтиҗәләр күрсәтүче укучылар өчен җәйге профильле Сәләт аланы. Лагерь программасы катнашучыларның интеллектуаль, рухи үсешенә юнәлдерелгән. 

Проектның максаты — фәнгә тартылучы балалар һәм яшьләргә ярдәм итү, аларның интеллектуаль һәм рухи үсеше өчен мохит тудыру.

Уку-укыту программасы кысаларында түбәндәге дәресләр һәм остаханәләр уздырыла:

- математика

- физика

- астрономия

- химия

- биология

- җәмгыять белеме

- тарих

Дәресләрне тәҗрибәле спикерлар - Казан шәһәре вузлары, ТР Фәннәр академиясе галимнәре һәм укытучылары, танылган дәүләт һәм җәмәгать эшлеклеләре алып бара. 

Смена дәвамында шулай ук кызыклы мәдәни, спорт чаралары, очрашулар каралган. 9 -14 июль көннәрендә алан Биләр музей-тыюлыгы территориясендә уздырылучы Халыкара яшьләр уку-укыту Cәләт форумында катнашачак.

«Раушан» уку-укыту аланы беренче тапкыр 1994 нче елда Арчада оештырыла һәм 65 мәктәп укучысын берләштерә. 2005 нче елда алан ТР Лаеш районында («Йолдызлы» сәламәтләндерү базасында) нигезләнә һәм ел саен ТР район-шәһәрләреннән, РФ төбәкләреннән, ерак һәм якын чит илләрдән 220 ләп сәләтле баланы шул җирлектә туплый.

База турында мәгълүмат.

Юллама бәясе: 36630 сум.

Без социаль челтәрләрдә:

https://vk.com/selet_raushan

https://t.me/seletraush