Санак ← кире кайтырга

Төп юнәлеш:

Мәгълүмати технологияләр

Үткәрелү вакыты:

15 июль - 1 август

Үткәрелү урыны:

«Фәнсар» ФМҮ (Алексеевск районы, Биләр авылы)

Катнашучылар:

12 - 18 яшь

«Санак» – Сәләтнең җәйге профильле аланы. Ул Татарстан Республикасының сәләтле балалар һәм яшьләрен табу һәм үстерүгә, өстәмә белем бирүгә, уку өчен уңайлы шартлар тудыруга юнәлдерелгән.

«Санак» аланы тарихы 2008 елда башланып китә, шуннан бирле смена ел саен катнашучыларга информатика һәм мәгълүмати технологияләр юнәлешенең төрле якларын ача, кызыклы уку-укыту программасыннан тыш балалар өчен шәхес формалаштыруга юнәлдерелгән иҗади, спорт, фәнни-интеллектуаль чаралар да тормышка ашырыла.

Аланның максаты - балаларның һәм яшүсмерләрнең интеллектуаль һәм иҗади потенциалын мәгълүмати технологияләрдә гамәлгә ашыру.

Алан юнәлеше кысаларында түбәндәге дәресләр һәм мастер класслар уздырыла:

- Python телендә Web-кушымталар булдыру;

- Java телендә программалаштыру нигезләре;

- олимпиада программалаштыруы;

- системалы идарә итү һәм мәгълүмати иминлек;

- LEGO робототехникасы;

- график дизайн (Adobe Illustrator, Adobe Photoshop);

- 3D-модельләштерү;

- Инглиз теле.

Уку-укыту ‌‌программасын квалификацияле студентлар, аспирантлар һәм IT-белгечләр алып бара.

«Санак» аланы – киләчәкнең өлеше булу мөмкинлеге!