Алмагач ← кире кайтырга
«Сәләт — Алмагач» - татар телен һәм мәдәниятен өйрәнүгә юнәлдерелгән җәйге профильле Сәләт аланы.
Аланның төп максаты - балаларда татар үзаңы булдыру, татар мәдәниятенә, гореф-гадәтләренә хөрмәт һәм мәхәббәт уяту, аларның тел байлыкларын үстерү, татар халкына хас үзенчәлекләр белән таныштыру.
Смена «оныкларның татар авылына әбигә кунакка кайту» риваятенә нигезләнә. Уку-укыту һәм мәдәни-иҗади программалар да риваятькә үрелеп бара. Аланның юнәлеше кысаларында катнашучылар өчен интерактив-уен форматында киләсе дәресләр уздырыла:
- татар теле;
- татарча математика.
Дәресләрне Татарстан Республикасының атказанган укытучылары, Сәләт «Асылташ» мәктәбенең тәҗрибәле мөгаллимнәре һәм Кызыл Чишмә мәдәният йортының милли җанлы үзэшчәннәре уздыра.
Остаханәләр ике юнәлешкә бүленә: авыл һәм иҗат остаханәләре. Балалар ике юнәлешне дә үзләштерә ала.
Авыл остаханәләре:
- балык тоту;
- эш беткәч уйнарга ярый;
- үләннәр сере;
- табигатьне күзәтү;
- авыл тормышы.
Иҗат остаханәләре:
- татар биюе;
- татар җыры;
- чигү;
- бисер остаханәсе;
- милли бизәк.
Дәресләрдән тыш, балаларны кызыклы мәдәни-иҗади программа көтә: көн дәвамында саф һавада спорт һәм татар халык уеннары, интерактив, мавыктыргыч кичке чаралар һәм кызыклы очрашулар.
Юллама бәясе: 16 000 сум
Без социаль челтәрләрдә:
