Almagaç ← кире кайтырга
«Sälät — Almagaç» - tatar telen häm mädäniyaten öyränügä yunälderelgän cäyge profille Sälät alanı.
Alannıñ töp maksatı - balalarda tatar üzañı buldıru, tatar mädäniyatenä, goref-gadätlärenä xörmät häm mäxäbbät uyatu, alarnıñ tel baylıkların üsterü, tatar xalkına xas üzençäleklär belän tanıştıru.
Smena «onıklarnıñ tatar awılına äbigä kunakka kaytu» riwayatenä nigezlänä. Uku-ukıtu häm mädäni-icadi programmalar da riwayatkä ürelep bara. Alannıñ yunäleşe kısalarında katnaşuçılar öçen interaktiw-uen formatında kiläse däreslär uzdırıla:
- tatar tele;
- tatarça matematika.
Däreslärne Tatarstan Respublikasınıñ atkazangan ukıtuçıları, Sälät «Asıltaş» mäktäbeneñ täcribäle mögallimnäre häm Kızıl Çişmä mädäniyat yortınıñ milli canlı üzeşçännäre uzdıra.
Ostaxanälär ike yunäleşkä bülenä: awıl häm icat ostaxanäläre. Balalar ike yunäleşne dä üzläşterä ala.
Awıl ostaxanäläre:
- balık totu;
- eş betkäç uynarga yarıy;
- ülännär sere;
- tabigatne küzätü;
- awıl tormışı.
Icat ostaxanäläre:
- tatar biyue;
- tatar cırı;
- çigü;
- biser ostaxanäse;
- milli bizäk.
Däreslärdän tış, balalarnı kızıklı mädäni-icadi programma kötä: kön däwamında saf hawada sport häm tatar xalık uennarı, interaktiw, mawıktırgıç kiçke çaralar häm kızıklı oçraşular.
Yullama bäyase: 16 000 sum
Bez sotsial çeltärlärdä:
