Мирас ← кире кайтырга
«Мирас» – татар теле, мәдәнияте һәм тарихы юнәлешендәге җәйге профильле Сәләт аланы. 2023 елның җәеннән башлап үткәрелә. 3 нче җәйге профильле Сәләт сменасы беренче тапкыр «Аргамак» базасында уздырыла, ә хәзер исә Алексеевск районы, Биләр авылының «Фәнсар» базасында уза.
Аланның төп максаты - балаларның иҗат эшчәнлеге аша татар халкының мәдәни, рухи һәм тарихи мирасын үстерү, сәлкешләргә татар мәдәни мирасының кыймәтләрен аңлату һәм аны алга таба өйрәнү теләген булдыру өчен уңайлы мохит тудыру.
Смена юнәлеше кысаларында уку-укыту программасына кергән дәресләр:
- театр, җыр һәм бию сәнгатьләре;
- оста куллар;
- татар теле;
- тарих.
Дәресләрне профессиональ спикерлар һәм тәҗрибәле укытучылар алып бара.
Дәресләрдән тыш, балалар өчен иҗади-мәдәни программа каралган: Татарстан Республикасының танылган шәхесләре белән очрашулар; спорт һәм милли уеннар уйнау; интерактив һәм мавыктыргыч кичке чаралар; музыка уен кораллары, журналистика, актерлык осталыгы һәм башка юнәлешләр буенча остаханәләр.
«Мирас» аланы – ул:
• Үткәнен хөрмәт иткән, бүгенгесен кадерләгән һәм киләчәгенә ышанган һәркем өчен ачык булган мәйданчык.
• Яңа белемнәр, рухи азык, иҗади илһам алу урыны.
• Үз тамырларыңны онытмаска, милли үзаңны сакларга өндәүче үзәк.
• Күңелле һәм файдалы ял итү мөмкинлеге.
«Мирас» аланы – балалар өчен тарихны өйрәнү, милли үзаңны тәрбияләү, рухи кыйммәтләрне аңлау, иҗади сәләтне үстерү һәм күңелле ял итү урыны. Бу аланда алган белемнәр һәм яңа тәҗрибә балаларга үз киләчәкләрен матур итеп төзергә ярдәм итәчәк.
Юллама бәясе: 40790 сум.
Без социаль челтәрләрдә:
