Шаян ← кире кайтырга
«Шаян» җәйге профильле Сәләт аланы – «ШАЯН ТВ» беренче татар балалар телеканалы һәм «Сәләт» оешмасы белән берлектә үткәрелүче, «Телевидение» юнәлешендә балаларның белемнәрен тирәнәйтүгә юнәлдерелгән алан.
«Шаян» аланы программасы шулай ук дубляж (мультфильмнарны тавышлыландыру) һәм СММ юнәлешләрен дә үз эченә ала. Юнәлешләр буенча дәресләрне һәм остаханәләрне журналистика өлкәсендәге тәҗрибәле белгечләр, танылган телевидение һәм радио алып баручылары, блогерлар һәм дубляж актерлары алып бара.
Мавыктыргыч белем бирү программасына өстәп, балаларның шәхесен һәрьяклап үстерү өчен иҗади остаханәләр, спорт ярышлары һәм фәнни-танып белү чаралары оештырылачак. Уку-укыту программасы барышында балалар үзләре видеосюжет төшерергә, мультфильмны тавышлыландырырга, телеграм каналы өчен язмалар язарга, монтаж ясарга өйрәнә. Нәтиҗәләр буенча экспертлар тарафыннан иң яхшы эшләр билгеләнәчәк һәм аларның авторлары бүләкләнәчәк, шулай ук эшләр «ШАЯН ТВ» телеканалы эфирында күрсәтеләчәк!
«ШАЯН ТВ» белән бул. Телне саклау - менә безнең юл!
Юллама бәясе: 20470 сум.
Без социаль челтәрләрдә:
https://t.me/slt_shayan
https://vk.com/selet_shayan
