Şayan ← кире кайтырга
«Şayan» cäyge profille Sälät alanı – «ŞAYaN TW» berençe tatar balalar telekanalı häm «Sälät» oeşması belän berlektä ütkärelüçe, «Telewidenie» yunäleşendä balalarnıñ belemnären tiränäytügä yunälderelgän alan.
«Şayan» alanı programması şulay uk dublyaj (multfilmnarnı tawışlılandıru) häm SMM yunäleşlären dä üz eçenä ala. Yunäleşlär buença däreslärne häm ostaxanälärne jurnalistika ölkäsendäge täcribäle belgeçlär, tanılgan telewidenie häm radio alıp baruçıları, blogerlar häm dublyaj akterları alıp bara.
Mawıktırgıç belem birü programmasına östäp, balalarnıñ şäxesen häryaklap üsterü öçen icadi ostaxanälär, sport yarışları häm fänni-tanıp belü çaraları oeştırılaçak. Uku-ukıtu programması barışında balalar üzläre wideosyujet töşerergä, multfilmnı tawışlılandırırga, telegram kanalı öçen yazmalar yazarga, montaj yasarga öyränä. Näticälär buença ekspertlar tarafınnan iñ yaxşı eşlär bilgelänäçäk häm alarnıñ awtorları büläklänäçäk, şulay uk eşlär «ŞAYaN TW» telekanalı efirında kürsäteläçäk!
«ŞAYaN TW» belän bul. Telne saklau - menä bezneñ yul!
Yullama bäyase: 20470 sum.
Bez sotsial çeltärlärdä:
https://t.me/slt_shayan
https://vk.com/selet_shayan
