Galäm ← кире кайтырга
«Sälät — Galäm» - media häm jurnalistika yunäleşendäge cäyge profille Sälät alanı.
«Sälät — Galäm» alanı sälätle balalar häm yaşüsmerlär öçen intellektual häm icadi üseş moxite buldırunı, sälkeşlärne media häm jurnalistika ölkälärendäge sälätlären häm professional künekmälärne eşçänlektä kullanu ısulları belän tanıştırunı maksat itep kuya.
Smenanıñ uku-ukıtu programması 4 yunäleşkä bülenä:
- «Galäm eçeñdä» – yunäleş maxsus rekwizit kullanunı taläp itmi torgan icat belän bäyle (wokal, stsenariy yazu, şigriyat, oratorlık ostalıgı);
- «Galäm yanäşäñdä» – yunäleş maxsus rekwizit häm wizualizatsiya elementları kullanu belän bäyle (foto sängate, kastom, fotozona yasau, kul eşläre);
- «Galäm xäräkättä» – yunäleş balanıñ potentsialın xäräkät yardämendä açıklau belän bäyle (biyu, jurnalistika, sport);
- «Galäm çeltärdä» – yunäleş media häm IT produktlar yasau belän bäyle. (grafik dizayn, sotsial çeltärlär alıp baru, elektron muzıka yazu, 3D-modelläşterü)
Uku-ukıtu programması belän berrättän, smena däwamında sälkeşlär öçen tanılgan şäxeslär belän oçraşular, mädäni programma häm sport çaraları da oeştırıla, saf hawada sport uennarı, küñelle kiçke çaralar ütkärelä.
Yullama bäyase: 33 600 sum
Bez sotsial çeltärlärdä:
