Galäm ← кире кайтырга
«Galäm» cäyge profille Sälät alanı Başkortstan respublikası, Tuymazı rayonı, Tömänäk awılı, «Babay Utarı» etnografik kompleksında 2021 elda iñ berençe sälkeşlären kabul itte.
Şul könnärdän başlap, smena el saen Bilär forum smenalarında, törle çaralarda, (şaxmat turnirı, futbol, woleybol, «GALÄMfest» h.b.ş.) yarışlarda katnaşıp, härdaim prizlı urınnar yaulıy.
Bezneñ balalar arasında törle fännärdän respublika häm Bötenrossiya olimpiadalar ciñüçeläre, prizerları, icadi konkurslar diplomantları, «Sälät» Klubı katnaşuçıları häm aktiwistları küp. Şuña da karamastan, «Galäm» işekläre här balaga açık.
Alannıñ maksatı: Tatarstan Respublikası häm başka töbäklärdän kilgän, jurnalistika häm media yunäleşläre belän kızıksıngan balalar häm yaşüsmerlärgä yardäm kürsätü, alarnı hönäri häm ruxi yaktan üsterü.
Smenanıñ uku-ukıtu programması 4 yunäleştä alıp barıla:
- «Galäm eçeñdä» – bu yunäleş maxsus rekwizit kullanunı taläp itmi torgan icat törläre (wokal, stsenariy yazu, şigriyat, oratorlık ostalıgı) belän bäyle;
- «Galäm yanäşäñdä» – bu yunäleş maxsus rekwizit häm wizualizatsiya elementları (foto sängate, kastom, fotozona yasau, kul eşlänmäläre) yardämendä oeştırıla;
- «Galäm xäräkättä» yunäleşe balanıñ potentsialın, eş, yaisä xäräkät (biyu, jurnalistika, sport) künekmälären açıklauga korılgan;
- «Galäm çeltärdä» – älege yunäleş media häm IT-produktlar yasau (grafik dizayn, sotsial çeltärlär alıp baru, elektron muzıka yazu, 3D-modelläşterü) belän bäyle.
Uku-ukıtu programmasınnan tış, smena däwamında sälkeşlär öçen tanılgan şäxeslär belän oçraşular, mädäni programma häm sport çaraları oeştırıla, saf hawada sport uennarı ütkärelä.
Yullama bäyase: 40790 sum.
Bez sotsial çeltärlärdä:
