Miras ← кире кайтырга
«Miras» – tatar tele, mädäniyate häm tarixı yunäleşendäge cäyge profille Sälät alanı. 2023 elnıñ cäennän başlap ütkärelä. 3 nçe cäyge profille Sälät smenası berençe tapkır «Argamak» bazasında uzdırıla, ä xäzer isä Alekseewsk rayonı, Bilär awılınıñ «Fänsar» bazasında uza.
Alannıñ töp maksatı - balalarnıñ icat eşçänlege aşa tatar xalkınıñ mädäni, ruxi häm tarixi mirasın üsterü, sälkeşlärgä tatar mädäni mirasınıñ kıymätlären añlatu häm anı alga taba öyränü telägen buldıru öçen uñaylı moxit tudıru.
Smena yunäleşe kısalarında uku-ukıtu programmasına kergän däreslär:
- teatr, cır häm biyu sängatläre;
- osta kullar;
- tatar tele;
- tarix.
Däreslärne professional spikerlar häm täcribäle ukıtuçılar alıp bara.
Däreslärdän tış, balalar öçen icadi-mädäni programma karalgan: Tatarstan Respublikasınıñ tanılgan şäxesläre belän oçraşular; sport häm milli uennar uynau; interaktiw häm mawıktırgıç kiçke çaralar; muzıka uen koralları, jurnalistika, akterlık ostalıgı häm başka yunäleşlär buença ostaxanälär.
«Miras» alanı – ul:
• Ütkänen xörmät itkän, bügengesen kaderlägän häm kiläçägenä ışangan härkem öçen açık bulgan mäydançık.
• Yaña belemnär, ruxi azık, icadi ilham alu urını.
• Üz tamırlarıñnı onıtmaska, milli üzañnı saklarga öndäüçe üzäk.
• Küñelle häm faydalı yal itü mömkinlege.
«Miras» alanı – balalar öçen tarixnı öyränü, milli üzañnı tärbiyaläü, ruxi kıymmätlärne añlau, icadi sälätne üsterü häm küñelle yal itü urını. Bu alanda algan belemnär häm yaña täcribä balalarga üz kiläçäklären matur itep tözergä yardäm itäçäk.
Yullama bäyase: 40790 sum.
Bez sotsial çeltärlärdä:
