VII «Änwär Xäyri ukuları» Respublikaküläm yaşlär fänni-gamäli konferentsiyase ciñüçeläre bilgele! ← kire kaytirga

2016 eldan başlap, Alekseewsk rayonı Bilär kalasınıñ «Fänsar» fän häm mägarif üzägendä «Änwär Xäyri ukuları» Respublikaküläm yaşlär fänni-gamäli konferentsiyase uzdırıla.

Konferentsiya Bilär kalası tarixın fänni öyränügä häm Bilärne dönyaga tanıtuga zur öleş kertüçe, tatar dönyası tarixında cuelmas ez kaldıruçı galim, sälkeşlärneñ Dustı häm Ostazı Änwär Xäyri isemen mäñgeläşterü, fänni, ictimagıy eşçänlek alıp bargan galimneñ fänni-praktik eşlärenä karata ukuçılarda kızıksınu uyatu, yaşlärgä häm mäktäp ukuçılarına tarixi-arxeologik ölkägä kagılışlı fänni-praktik eşlärendä yardäm itü maksatları belän bıel VII tapkır ütte.

2-4 dekabr könnärendä Yar Çallı, Tübän Kama şähärlärennän, Arça, Aksubay, Nurlat, Alekseewsk rayonnarınnan, Törkiyadän kilgän yaşlär «Änwär Xäyri ukuları» Respublikaküläm yaşlär fänni-gamäli konferentsiyasendä katnaştı.

Bıel konferentsiya berençe tapkır öç kön däwam itte. Fänni eşlären täkdim itüdän tış, anıñ kısalarında ukuçılar häm studentlar kızıklı uku-ukıtu programmasında, kiçke çaralarda katnaştı. Şulay uk alarnıñ citäkçeläre öçen dä faydalı däreslär uzdı.

7-11 sıynıf ukuçıları häm 1-4 kurs studentları tübändäge temalar buença eşlär täkdim itte:

1. «Böek Bilär kalası: tarix, bügen häm kiläçäk»

2. Böek Bilär tiräsendäge awıllar tarixı (tarixi yazmalar, istäleklär, riwayatlär)

3. «Änwär Xäyri mirası»        

4. «Min yaratam sine, tugan cirem» (misal öçen, mäktäbeñ tarixı, awılıñ tarixı, yaşägän uramıñ tarixı h.b.)      

5. «Gailäm tarixı» (misal öçen, minem şäcäräm, gailäm belän bäyle bulgan istäleklär)

6. Änwär Xäyrineñ «Şähre Banu – Şärbän kıyssası» isemle kitabı nigezendä yazılgan dokladlar.

Belgeçlär barlık katnaşuçılar arasınnan iñ yaxşı eşlär belän çıgış yasagan 20 ciñüçene saylap aldı.

Menä alar - VII «Änwär Xäyri ukuları» Respublikaküläm yaşlär fänni-gamäli konferentsiyase ciñüçeläre:

Arpatlı Emir

Arutyunyan Milena

Arxipowa Adelina

Bäyrämowa Zärinä

Gaynetdinow Kärim

Garipow Ilyas

Gıyläciewa Güzäl

Golubewa Arina

Zäydullin Ilnaz

Märdanşina Amila

Mirzetcanowa Riliya

Miftaxowa Aysılu

Musina Kamilä

Sadriew Gadel

Fedorowa Waleriya

Xäbibullin Ramazan

Xaciewa Çulpan

Xämitowa Samira

Xäsäncanowa Aygöl

Şäyxiislamowa Läylä

Şakirowa Aysılu

Şäräfiew Ämir

Ciñüçelärne ixlastan kotlıybız, barlık katnaşuçılarga fänni eşçänleklärendä zurdan-zur uñışlar telibez!