Şäxes

Adel Xäertdinow

«Sälät – Samara» smenası äydamanı

– Sin Sälät berläşmäsenä niçek kilep kerdeñ?

– 2013-nçe elda dustım häm elnı Sälät alanına baruı turında söyläde. Min lagerlarnı bötenläy yaratmıy idem, läkin dustıma iyarep Sälätkä barıp kararga buldım. Häm min inde bu berläşmädä 5 el!

– Sälättä iñ yaratkan öç smenañ.

– Katlaulı sorau. Barısın da yaratam. Läkin «Sälät – Samara», «Sälät – Ak Büre» i «Sälät – Imänkäy» alannarın aerıp äytergä mömkin.

– Ul wakıttagı Sälät belän bügenge Sälätne çagıştır äle.

– Sälät här elnı üzgärä, yañadan-yaña mömkinleklär barlıkka kilep tora.

– Bıel Sälät Forumnarınıñ 6 smenası uzdı. Sin kaysında buldıñ – şunıñ turında söylä äle.

– Min 3-nçe häm 6-nçı forumnarda («Sälät – Samara», «Sälät – Ak Büre») buldım. Häm şundıy fikergä kildem: här forum da ber ük cirlektä ütsä dä, härberseneñ üz ruxı, üz üzençälege bar ide.

– Sineñçä, Sälätkä nindi proektlar citmi?

– Belmim dä. Minemçä, xäzerge wakıtta bulgan proektlar barlık ölkälärne dä kolaçlıy.

– Sälättän tış närsä belän şögıllänäseñ?

– Ukıym, ukıym häm tagın ber tapkır ukıym! Ukudan tış xalıkara proektlarda, mäsälän, BMO modelendä katnaşırga tırışam.

– Tatarça iñ yaratkan süzläreñ yaki frazalarıñ.

– «Sin ışanma, maturım», «bez bäxetle» häm «xıyalım».

– Sälkeşlärgä telägeñ.

– Sälkeş, ireşkännärdä genä tuktalıp kalma! Bel: kamillekkä çiklär yuk, şuña kürä üzeñne buldıra algan kadär yaratkan eşeñä bagışlarga tırış!

 

tulısınça ukırga

Ramil Minhacew

«Sälät-Bolgar 2018» smenası direktorı

– Sin Sälät berläşmäsenä niçek kilep kerdeñ?

– 2009-nçı elda berençe tapkır sälkeş bulıp «Sälät-Rauşan» alanına bardım. Ä berläşmä turında mäktäptä tanışlarımnan işetkän idem. Sälätneñ energetikası häm sälkeşlär belän ellar buena elemtäne yugaltmawı oşadı. Kızganıç, tik bu sälkeş bulıp soñgı tapkır baruım ide. Ä 2016-nçı elda Nazlıgöl Wäliullina mine üz komandasına çakırdı, häm näk menä şul wakıttan min äydamannan profille smena direktorına äyländem.

– Sälättä iñ yaratkan öç smenañ.

– Älbättä inde, «Sälät-Bolgar», annarı «Sälät-Ak Büre», ä öçençe urında – kalgan barlık alannar, çönki min alarnıñ barısın da yaratam (elmaya).

– Ul wakıttagı Sälät belän bügenge Sälätne çagıştır äle.

– Ber äyber genä äytä alam: oeştıru eldan-el üsä. Nindider aerım momentlarnı aerıp kürsätäsem kilmi. Sälät üste, anıñ belän bergä min dä üstem!

– Sälkeş – ul...

– Sälkeş – ul alannıñ käefe, alannıñ ciñüläre, alannıñ canı!

– Äydaman – ul...

– Äydaman – ul eş keşese, maksat keşese!

– Berençe äydamannarıñnı xäterliseñme?

– Taliya apa Usmanowa belän Niyaz abıy Mortazin. Min härwakıt alarga oxşarga tırıştım!

– Sälättä närsä belän şögıllänäseñ?

– Sälätneñ böten yañalıklarınnan xäbärdar bulırga tırışam. Berläşmädä proektlar bik küp. Bälki, berärsendä üzemne oeştıruçı rolendä dä sınap karıy alırmın.

– Bıel Sälät Forumnarınıñ 6 smenası uzdı. Sin kaysında buldıñ – şunıñ turında söylä äle.

– Miña öçençe Forumda eşläü nasıyp buldı. Döresen genä äytkändä, min cawaplılık toymadı, barı eşemne 200 protsentka cirenä citkerep eşlärgä, komandanıñ kurkınıçsızlıgın, sälamätlegen, yaxşı käeftä buluın kaygırtırga tieşlegemne genä toydım.

– Sineñçä Sälätkä nindi proektlar citmi?

– Minem berniçä ideyam bar, läkin älegä ser bulıp kalsın äle (kölä).

– Sälättän tış närsä belän şögıllänäseñ?

– Magistraturada ukıym, injener programmist bulıp eşlim, «Sämrux» icat berläşmäseneñ texnik bülege komandasına keräm.

– Tatarça iñ yaratkan süzläreñ yaki frazalarıñ.

– «Äye», «äti», «äni», «gailä».

– Sälkeşlärgä telägeñ.

–  Här keşedä Sälät kisäkçege buluın häm härkemneñ bu zur berläşmägä kerüen telim.

tulısınça ukırga

Alinä Ramazanowa

«Sälät-Bolgar» smenası ölkän äydamanı

– Sin Sälät berläşmäsenä niçek kilep kerdeñ?

– 2012-nçe elda dustım mäktäptä küreşkän saen Sälättä, aeruça «Sälät-Sanak»ta niçek şäp buluı turında söyli ide. Kızıktım da üzem dä katnaşu öçen gariza kaldırdım. Läkin ul elnı bara almadım. Barı tik 2013-nçe elda gına baru nasıyp buldı. Sälät dönyasına säyaxätem şulay başlandı.

– Sälättä iñ yaratkan öç smenañ.

– Älbättä inde, «Sälät-Bolgar», «Sälät-Izge çişmä» häm «Sälät-Rauşan». «Sälät-Bolgar» – gailä, «Sälät-Izge çişmä» – yaşlek, «Sälät-Rauşan» belem.

– Ul wakıttagı Sälät belän bügenge Sälätne çagıştır äle.

– Nindider näticälär yasar öçen, min üzemne Sälät «stariçogı» dip uylamıym äle. Läkin ber närsä üzgärmi – tanışular.

– Sälkeş – ul...

– Ul äydaman häm başcitäk öçen motiwator, barısı da alar öçen eşlänä bit.

– Äydaman – ul...

– Sälkeş öçen berençe keşe. Ul üz eşenä häm sälkeşlär elmayuına gaşıyk keşe bulırga tieş.

– Berençe äydamannarıñnı xäterliseñme?

– Alar minem öçen ürnäk! Zilä apa Näbiullina belän Ruslan abıy Zakirow.

– Sälättä närsä belän şögıllänäseñ?

– Xäzerge wakıtta min äydaman gına.

– Bıel Sälät Forumnarınıñ 6 smenası uzdı. Sin kaysında buldıñ – şunıñ turında söylä äle.

– Min altı forumnıñ bişesendä buldım. SOFT SKILLS FORUM-nan MEDIA BILER FORUM-ga kadär. Forumnar küzgä kürenep üste, kamilläşte. Alar belän bergä bez dä üstek.

– Sälätkä nindi proektlar citmi dip uylıysıñ?

– Daimi nigezdä eşli torgan icadi proektlar kiräk. Mäsälän, min üzem atnaga 2-3 tapkır biyugä yaki akterlık ostalıgı däresenä yörer idem. Üzebezdä bulgan täcribäne başkalar belän urtaklaşırga kiräk dip sanıym.

– Sälättän kala nindi kızıksınularıñ bar?

– Änigä biznesta yardäm itäm, repetitor bulıp eşlim. Bu miña bik oşıy. Balalarga Sälät turında söylädem häm alar üzläre dä alannarga kildelär.

– Tatarça iñ yaratkan süzläreñ yaki frazalarıñ.

– Elmay. Artta kalmaska, ikelänmäskä.

– Sälkeşlärgä telägeñ.

– Dönyanı yaratıgız, maksatlarıgızga ireşegez häm ber-beregez belän dus bulıgız. Xäzerge köndä kulıgızda bulgan mömkinlekne ıçkındırmagız.

tulısınça ukırga

Galäetdin Usmanow

«Sälät-Ruxiyat 2018» smenası äydamanı

– Sin Sälät berläşmäsenä niçek kilep kerdeñ?

– Sälätkä min 2017-nçe elda kilep eläktem. Älege oeşmanıñ alannarına baruçılarnıñ ni öçen şunıñ kadär küzläre yanuların, bu «dönyanı» ikençe öy dip yörtkännären añlıysım kilä ide. Bu sorauga cawapnı üzem monda kilgäç kenä taba aldım. Sälät – ber el alga energiya birä ala torgan moxit ul... Cılı moxitne, minemçä, yakın keşelär belän duslık barlıkka kiterä. Monı toygaç, min üzem dä biregä kabat häm kabat kilergä teläüçelärneñ bersenä äyländem diyargä kiräk. 

– Sälättä iñ yaratkan öç smenañ.

– «Sälät – Saba 2017», «Sälät – Ruxiyat18», «Sälät –...2019».

– Ul wakıttagı Sälät belän bügenge Sälätne çagıştır äle.

– Hiçşiksez, berläşmäneñ zur, barı tik yaxşı yakka gına bulgan üzgäreşlären kürergä mömkin. Alannarda da, «kırda» da infrastruktura eldan-el yaxşıra bara – monı äytmiçä bulmıy. Moña tagın ber dälil: sälkeş häm äydaman bulıp barırga teläüçelärneñ sanı artu. Sälät Tatarstanda gına tügel, başka töbäklärdä, başka illärdä dä üsä. Bu bezne bik kuandıra.

– Sälkeş – ul...

– Sälkeş – zur potentsialga iya bulgan bäläkäy keşe.

– Äydaman – ul...

– Äydaman – balalarnı yaxşı yakka yunälderüçe keşe.

– Berençe äydamannarıñnı xäterliseñme?

– Kızganıç, tik minem smenaga berkayçan da bala bulıp barganım yuk.

– Sin Sälättä nindi eş başkarasıñ?

– Ike el däwamında Sälät alannarında äydaman wazıyfasın başkaram. Gacäep dönyanı kürergä yardäm itkän berençe täcribäm «Sälät – Saba 2017»dä tuplandı. Ikençe äydamanlıgım isä «Sälät – Ruxiyat 2018»dä uzdı. Biredä min bu mogcizalı dönyaga tagın da tiränräk çumdım.

– Kübese belgänçä, bu cäyne Bilärdä Sälätneñ 6 forumı ütkärelde. Sin eşlägän forum turında söyläsäñ ide...

– Bıel miña 3-nçe häm 6-nçı forumnarga barırga nasıyp buldı. Alarnıñ härkaysı minem xäterdä ez kaldırdı diyargä dä bula. Esse hawa, suıklar, yañgır – bolarnıñ berse dä Bilärdä algan xislärne beterä almayaçak!

– Sälätkä nindi proektlar citmi dip uylıysıñ?

– Bu sorauga cawap birü awırrak... Minemçä, kızıklı proektlar inde şaktıy küp. Xäzer alarnıñ härkaysın yaxşırtuga häm alarnıñ näticälelegen arttıruga igtibarnı yunältergä kiräk dip sanıym.

– Sälättän kala nindi kızıksınularıñ bar?

– Menä inde 15 eldan artık min karate belän şögıllänäm. Sport minem öçen bik möhim, min üzemne şunnan başka, xäräkätlärdän, trenirowkalardan başka küz aldına kiterä almıym. Bu ellarda karate belän şögıllängändä min töbäkara häm Bötenrossiya däräcälärendä küp kenä ciñülär yaularga ölgerdem. Xäzerge wakıtta bez komanda belän institut häm uniwersitetta partnerlık elemtälären üsterü belän şögıllänäbez. Bu Fandrayzing dip atala.

– Tatarça iñ yaratkan süzläreñ yaki frazalarıñ.

– Bezneñ respublikanıñ şigare häm barlık awır eşlärne başkarırga yardäm itä torgan: «Bez buldırabız!»

– Sälkeşlärgä telägeñ.

- Sälkeş, iseñdä tot! Buldıra almaslık närsä yuk! Başlarıbızda bulgan barlık mäsälälärne, çiklärne bez üzebez buldırabız. Sezneñ barlık maksatlarıgızga ireşüegezne, berkayçan da ömetsez bulıp kalmawıgıznı häm härwakıt kamillekkä omtıluıgıznı telim!

tulısınça ukırga

Dilä Nigmätullina

Sälät aktiwistı

– Sin Sälät berläşmäsenä niçek kilep kerdeñ?

– 2012-nçe elda TRda sport orientlaşuı buença 1-nçe urın aldım, soñınnan sport mäktäbe belän berlektä «Sälät-Saba» alanına putewka ottım. Läkin, iñ kızıgı, biredä sport yunäleşe bötenläy yuk ide disäñ dä bula. Şulay itep äkren genä kerep kittem dä inde. (Elmaya)

– Sälättä iñ yaratkan öç smenañ.

–  «Sälät-Aznakay», «Bolgar –Tugan tel», «Agıydel». 

– Ul wakıttagı Sälät belän bügenge Sälätne çagıştır äle.

– Iñ berençe çiratta smenalarnıñ sanı arttı. Ä bu üz çiratında balalarnıñ törle ölkälär buença belem alu mömkinlege kübäygäne turında söyli. Oeşmabız üz eşçänlegen el däwamında alıp bara başladı. Balalar näk menä şunıñ turıda ozak kına xıyallana ide.

– Sälkeş – ul...

– Sälkeş – ul älege sorı häm karañgı közge bolıtlarnı kuıp, cılılık büläk itä torgan koyaş nurı.

– Äydaman – ul...

– Äydaman – üzendä animator, psixolog ostalıkların tuplıy ala torgan supergeroy. Läkin, iñ möhime, törle wakıtta yardäm itüçe dus.

– Berençe äydamannarıñnı xäterliseñme?

– Äye, älbättä! Gölnaz apa häm Albert abıy. 

– Sin Sälättä nindi eş başkarasıñ?

– Dörestän dä oşagan eş başkaram. Küp kenä alannarga, forumnarga yörim. Üzemne törle rollärdä sınıym.

– Kübese belgänçä, bu cäyne Bilärdä Sälätneñ 6 forumı ütkärelde. Sin eşlägän forum turında söyläsäñ ide.. 

– Bu elnı altı forumnıñ ikesendä buldım: «ARTS BILER FORUM» - ilebezneñ törle töbäklärennän cıelgan iñ kreatiw, iñ sälätle balalar katnaşındagı forum. Üzeneñ gala-kontsertı belän istä kalgan, üzençälekle moxitkä iya bulgan forum. Törle yaştäge balalar. Kabatlanmas ritm. Iskitkeç citäkçelär häm yaña täcribä.

«SELET BILER FORUM» - töp forum; biredä üzemä yaña – sport yunäleşe administratorı wazıyfasın «kiep karadım». Älege forum tanışlarım, sälkeşlärem belän küreşü mömkinlege, yaña tanışular, fors-major situatsiyalärdä döres çıgu yulların tabu belän istä kaldı.

«IT BILER FORUM» - Albina apa Kadirowa yardäme belän tagın ber tapkır direktor rolendä başkarılgan forumım. Ber sulışta uzgan forum: territoriyaneñ ber başınnan ikençe başına kadär. (Kölä) Ike komanda, yaña yunäleş häm cılı xislär «diñgeze».

«MEDIA BILER FORUM» - 4 el eçendä üzemneñ tugan könemne bilgeläp ütkän yomgaklau forumı. Küñelle häm bik tämle buldı! Yanä ike komanda belän eşläü häm Çistay şähärenä tuktalmas köndälek säfärlär. Forumnar yardämendä minem stresslarga karşı toruçanlık xisem küpkä arttı diyargä kiräk. Äle küp kenä duslar häm tanışlar artkanın da östämiçä bulmıy.

– Sälätkä nindi proektlar citmi dip uylıysıñ?

– Finans gramotalılıgı buença proektlar. Xäzerge wakıtta, kübese belgänçä, şaktıy gına finans korallar bar. Alarnıñ kaysıları belän idarä itü otışlırak ikänen belergä kiräk dip sanıym.

– Sälättän kala nindi kızıksınularıñ bar?

– KFU magistraturasın tämamlıym; kızıksınu belän dissertatsiya yazam; Idarä, iktisad häm finanslar institutında eşlim; sport belän şögıllänäm, biim. 

– Tatarça iñ yaratkan süzläreñ yaki frazalarıñ.

– Sälät – ul sin. 
Keşelär dä xäzinä bit. 

– Sälkeşlärgä telägeñ.

– Törle eşlärne başlap karagız, mömkinleklär belän kullanıgız. Üzegezneñ ix yaxşı wersiyagezne buldırıgız.

tulısınça ukırga

Ilnur Xazipow

«Sälät-Ruxiyat» smenası äydamanı

– Sin Sälät berläşmäsenä niçek kilep kerdeñ?

– Min berkayçan da lagerlarga bala bulıp barmadım, şul säbäple «älege dönya» miña kızıgırak bulıp toela ide. Berençe kurska ukırga kergäç min yaña keşelär belän tanıştım, kübese alarnıñ Sälät moxitennän ide. Alarnıñ härbersennän kabatlanmas, köçle, dustanä energetika taşıp tora. Şulay itep mindä üzennän-üze sorau tudı:«mondıy kadrlarnı kayda yasıylar?» Ä annarı inde älege dönya belän tanışır öçen törle proektlarda katnaşa başladım. Näticädä, minem öçen 1-nçe kurstan uk ürnäk bulgan keşe, Rufat abıy Kıyamow «Sälät-Saba» smenasında katnaşıp karau mömkinlegen birde. Şul mizgeldä minem tormışım bik nık üzgärde dä inde.

– Sälättä iñ yaratkan öç smenañ.

– Älbättä, berençe çiratta «Sälät-Saba» häm «Sälät-Ruxiyat». Şulay uk «Sälät-Gayrät»  smenası da oşıy, alarnıñ Feniks belän bulgan uydırmaları iskitkeç!

– Ul wakıttagı Sälät belän bügenge Sälätne çagıştır äle.

– Xäzerge köndä oeşma ışanıçlı adımnar belän innowatsiyalärgä häm xalıkara tanıluga taba atlıy! Cäyge smenalarnı çın mägnäsendä yugarı däräcädä, unikal räweştä uzdıra torgan berdän-ber alan ul – Sälät. Rossiyadä anıñ analogları yuk. Tik şunı äytergä kiräk, beryulı mondıy ürlärgä ireşep bulmıy, wakıt uzgan saen bez üseştä buldık häm bezneñ belän ber rättä Sälät tä kamilläşte!

– Sälkeş – ul...

– Balaçaknı xäterlätep toruçı mäxäbbät cimeşe.

– Äydaman – ul...

– Başkalarnı ukıtu öçen härwakıt üseştä bulgan mögallim.

– Berençe äydamannarıñnı xäterliseñme?

– Kızganıç, min üz gomeremdä ber tapkır da sälkeş bulıp karamadım. Tik alar bulgan bulsalar – iñ yaxşıları bulır idelär!

– Sin Sälättä nindi eş başkarasıñ?

– Ike el däwamında min äydaman bulıp eşlim, smenalarga, forumnarga baram. Kiläçäktä minem Sälätkä kübräk öleşemne kertergä isäbem bar, bıel ölkän äydaman bularak üzemne sınap karıysım kilä.

– Kübese belgänçä, bu cäyne Bilärdä Sälätneñ 6 forumı ütkärelde. Sin eşlägän forum turında söyläsäñ ide.

– Min 3-nçe, 5-nçe häm 6-nçı forumnarda eşlädem. Alar arasınnan iñ üzençäleklese 3-nçe forum ide. Monda ber cirdä dä kabatlanmas energiya, mäxäbbät häm xis-kiçereşlär buldı. Küp forumlı Sälät mine şulay uk şatlandırdı. 5-6-nçı forumnarda miña Izge Bilär cirlärendä balalar belän eşläü bäxete elmaydı - bu minem töp maksatlarımnıñ berse ide! Häm min anı uñışlı gına başkarıp çıktım dip uylıym!

– Sälätkä nindi proektlar citmi dip uylıysıñ?

– Minem uylarımda küptännän inde ber fiker yaşäp kilä: Sälättä forumnardan tış «Discovery» smenasın buldıru. Anıñ asılı şunda, balalar 8 kön däwamında törle mäydançıklarda eşlilär. Äytik, dönyaküläm innowatsiyalär, törle illärneñ mädäniyate, Tatarstan Respublikası dönyaküläm kiñleklärdä (Invest Tatarstan & Visit Tatarstan yardämendä).... Mäydançıklardan tış Handmade yunäleşe buença da uku-ukıtu kerter idem.   Maksat – küp närsälärgä ireşep bulunı isbatlau.

– Sälättän kala nindi kızıksınularıñ bar?

– Bezneñ zur Respublikabızda studentlar eşen alga cibärü belän kızıksınam, xäzerge wakıtta studentlarnıñ potentsialların üsterü häm Fandrayzing (sponsorlar belän eş itü) yunäleşläre buença eşlim. Şulay uk KFU studentları öçen otışlı bulgan proekt yasadım – Kazannıñ 50 tanılgan urınında eşli torgan bonuslar kartası. Xäzer isä Rossiyadä berençe regional däräcädäge fandrayzingka karşı studentlar oeşmasın buldırasım kilä. Monnan tış teatr belän dä kızıksınam, mine eş kına «UNIKS» säxnälärendä kürergä mömkinsez.

– Tatarça iñ yaratkan süzläreñ yaki frazalarıñ.

– Küptännän inde «Tatar - taş watır», digän süzlärdän ilham alıp yaşim. Ul bezneñ mentalitetıbıznı häm ostalıgıbıznı tasfirlıy sıman!

– Sälkeşlärgä telägeñ.

– Wakıt bezne üze saylıy! Härber irtä saen bu süzlärne kabatlagız häm ışanıgız, bez bu dönyanı tagın da yaxşırak itä alabız. Härwakıt üseştä bulıgız, barlık cihannı, Sälätne kamilläşteregez! Barı tik şunda gına bezne kiläçäktä ürnäk itep kuyarlar!

tulısınça ukırga

Ilüzä Mogıynowa

«Sälät-Kandrakül» alanı äydamanı

– Sin Sälät berläşmäsenä niçek kilep kerdeñ?

– Sälätkä berençe tapkır 2013-nçe elda eläktem. Olimpadada prizer bulgan öçen rayonnan delegatsiya belän cibärgännär ide.

– Sälättä iñ yaratkan öç smenañ.

– «Sälät-Aznakay» - 2016, «Sälät-Kandrakül» - 2018, SELET FORUMınıñ 4-nçe smenası.

– Ul wakıttagı Sälät belän bügenge Sälätne çagıştır äle.

– Ul wakıtta Sälät üzeneñ moxite belän, ä xäzer mömkinlekläre belän kızıksındıra!

– Sälkeş – ul...

– Koyaş bulganday här köneñne yaktırtıp tora torgan bala.

– Äydaman – ul...

–Üzeneñ bar bulgan belemen häm motiwatsiyasen balalarga häm bütän keşelärgä döres itep citkerüçe.

– Berençe äydamannarıñnı xäterliseñme?

– Älbättä, xäterlim. Läkin iñ yaratkannarı - öçençe äydamannarım - Elwina apa häm Lenar abıy.

– Sin Sälättä nindi eş başkarasıñ?

–Bu elnı Sälättä äydaman bularak eşlädem.

– Kübese belgänçä, bu cäyne Bilärdä Sälätneñ 6 forumı ütkärelde. Sin eşlägän forum turında söyläsäñ ide.

– Min 3-nçe häm 4-nçe forumnarda eşlädem. Alarnıñ ikese dä iskitkeç uzdı! Tik 4-nçese minem öçen nindider yaña açış buldı häm kübräk oşadı. Monda iñ möhime - balalar. Ä alar härber forumda da şäp buldılar!

– Sälätkä nindi proektlar citmi dip uylıysıñ?

– Sälättä proektlar, minemçä, citärlek... Yañaları turında uylıysı da kilmi xätta.

– Sälättän kala nindi kızıksınularıñ bar?

– Min biim häm foto-wideo belän kızıksınam. Barlık buş wakıtımnı näk menä şularga bagışlarga tırışam.

– Tatarça iñ yaratkan süzläreñ yaki frazalarıñ.

– Küp suz – çüp süz!

– Sälkeşlärgä telägeñ.

– Bar bulgan mömkinlekläregezne wakıtında kürep alıgız, alarnı kullanırga aşıgıgız!

tulısınça ukırga

Ilham Ilyasow

«Sälät-Ruxiyat» smenası äydamanı

– Sin Sälät berläşmäsenä niçek kilep kerdeñ?

– Sälät dönyası belän 2014-nçe elda mine yakın dustım tanıştırdı. Ul wakıtta anıñ belän bergä KWNda uynıy idek. Ber tapkır «Sälät-Şäxes» smenası tämamlangaç, dustım alarnıñ komandasına yardäm itärgä çakırdı. Şul wakıttan başlap minem älege zur dönya belän tanışuım başlandı. Ozaklamıy Albina apa Kadirowa häm Aliya apa Mirmiewa belän dä tanıştı. Şunnan soñ, mine Sälätneñ 20 ellıgında mikrofon stoykaların säxnägä çıgarırga çakırdılar. Ul wakıtta minem öçen bu bik şäp täkdim ide. Küpmeder wakıt ütkäç, min tulısınça älege oeşmaga bireldem häm üzemneñ berençe smenama «Sälät -Ruxiyat»kä yul tottım.

– Sälättä iñ yaratkan öç smenañ.

– Barısın añlar öçen, sezgä barı tik 3 söränne äytäm: «Lilowaya pantowaya Ruxiyat», «Minem yort Sälät Teldä», «Ks-ks Sälät Şäxes». Kıskası, älege 3 smena miña üz öleşen büläk itte, ä min üz çiratımda anıñ eçke dönyasına üz öleşemne kaldırdım.

– Ul wakıttagı Sälät belän bügenge Sälätne çagıştır äle.

– Çagıştırırga bik awır. Çönki oeşmaga min äle küptän tügel genä kuşıldım. Ämma, şunısın äytä alam: Sälät ber urında tormıy, haman zur adımnar belän alga atlıy.

– Sälkeş – ul...

– Sälät ansız sulıy almıy torgan hawa.

– Äydaman – ul...

– Sälkeş öçen kislorod. (Elmaya)

– Berençe äydamannarıñnı xäterliseñme?

– Äye, xäterlim. Läysän apa Şäyxetdinowa häm Ayrat abıy Şakirow. 2015-nçe el, «Sälät-Ruxiyat», min berençe tapkır sälkeş, Läysän apa berençe tapkır äydaman, ä Ayrat abıy inde bik täcribäle. Äye, beraz awır, läkin şul uk wakıtta bik şäp ide! Läkin, alar yöräkkä kerep kaldılar.

– Sin Sälättä nindi eş başkarasıñ?

– Xäzerge wakıtta yal itäm. Tizdän «Äydamannar yarışı»na äzerlänä başlarmın dip uylıym.

– Kübese belgänçä, bu cäyne Bilärdä Sälätneñ 6 forumı ütkärelde. Sin eşlägän forum turında söyläsäñ ide.

– Älege cäydä 4 smenada bulırga nasıyp buldı. Berençe ike smenada «Sälät-Tel» häm «Sälät-Ruxiyat» alannarında äydaman bulıp eşlädem. «Sälät-Tel» belän berençe forumga kilgäç, üzgäreşlärgä, yaña masştablarga isem kitte. «Sälät-Ruxiyat»kä älege üzgäreşlärne istä totıp, soklanıp bardım. «Sälät-Ruxiyat» belän forum cirlegendä 10 kön yaşädek häm iñ kızıgı, bu könnär eçendä älege cir minem öçen tagın da yakınrak buldı. Ä menä inde 5-nçe forumga min ölkän äydaman wazıyfasın başkarırga kildem. Üz komandam, berençe tapkır citäkçe rolendä. Istä kalırlık xislär! Soñgı smenaga isä metodist bularak bardım. Şulay uk yaña täcribä dip äytä alam. 2018-nçe el cäe minem öçen yaña açışlar häm mömkinlelär wakıtı buldı.

– Sälätkä nindi proektlar citmi dip uylıysıñ?

– «Sälät-Ruxiyat» mäktäbe. «Sälät-Olimp» häm «Fänsar»nıñ közge, kışkı, yazgı sessiyaläre bar. Bezgä dä, icadi balalarga, älege formattagı küçmä mäktäplär kiräk dip sanıym. Teatr, biyu, räsem yasau, foto, KWN belän şögıllänüçelär öçen bu bik yaxşı mömkinlek bulır ide.

– Sälättän kala nindi kızıksınularıñ bar?

– Elek KWNda uynıy idem. Xäzerge wakıtta SMM belän şögıllänäm. Buş wakıtta ukırga yaratam.

– Tatarça iñ yaratkan süzläreñ yaki frazalarıñ.

– Mogciza häm ilham.

– Sälkeşlärgä telägeñ.

– Wakıtıgıznı buşka ütkärmägez, törle ölkälärdä üzegezne sınagız, tormışnıñ bar yamen tatıp kalıgız!

tulısınça ukırga

Rezeda Abdullina

«Sälät-Aznakay» äydamanı

– Sin Sälät berläşmäsenä niçek kilep kerdeñ?

– Sälätkä min 2012-nçe elda Çallıda, maxsus kızlar öçen buldırılgan «Sälät-Wakıyga» smenası aşa eläktem. Älege smena jurnalistika yunäleşenä bagışlangan ide.

– Sälättä iñ yaratkan öç smenañ.

– Minemçä, barlık alannar da bik köçle häm iñ möhime – tatu. Şuña kürä, alar arasınnan barı tik 3 genä saylau awırrak. Läkin, xäzerge wakıtta küñelemä iñ yakın bulgannarı - «Sälät-Aznakay», «Sälät-Sanak», «Sälät-Şäxes». Çönki, bu köngä kadär min barı tik älege smenalarda gına eşlädem. (Elmaya)

– Ul wakıttagı Sälät belän bügenge Sälätne çagıştır äle.

– Sälät belän minem arada zur gına pauza buldı. Şul isäptän, döres çagıştıra almam dip uylıym. Şunısın äytä alam, biregä kaytkanıma min bik şat!

– Sälkeş – ul...

– Selkeş – ul Ginness rekordlar kitabı kebek. Ul üzendä şaktıy gına küp törle ireşülär tuplagan.

– Äydaman – ul...

– Äydaman – feya. Härwakıtta da yanda, yardäm itärgä äzer bulıp tora.

– Berençe äydamannarıñnı xäterliseñme?

– Döresen genä äytkändä, isemnären xäterlämim. Isemnärgä xäterem bik yaxşı tügel şul. Läkin, mindä bulgan barlık äydamannar – iñ yakınnarı häm yaxşıları.

– Sin Sälättä nindi eş başkarasıñ?

– Bügenge köndä äydaman wazıyfasın gına başkaram.

– Kübese belgänçä, bu cäyne Bilärdä Sälätneñ 6 forumı ütkärelde. Sin eşlägän forum turında söyläsäñ ide.

– Älege cäyne forumnıñ 3-4-nçe smenalarında eşlärgä nasıyp buldı. Bu bik «moşçno» buldı! Biredä algan xislärne başka ber süz belän dä taswirlap bulmıy. Şunıñ kadär yaña keşe belän tanışu, xis kiçereşlär alu häm moxit öçen aerım räxmät äytäse kilä. Prezentatsiyadän soñ balalarnıñ küzlären kürsägez... Ul mizgellärne bütän närsä belän çagıştırıp bulmıy...

– Sälätkä nindi proektlar citmi dip uylıysıñ?

– Awır sorau. Oeşmada törle yunäleşlärne üsterü öçen küp kenä proektlar buldırılgan. Xäzerge wakıtta aerım nindider proekt citmi dip uylamıym.

– Sälättän kala nindi kızıksınularıñ bar?

– Sälättän tış KWN belän şögıllänäm, bäläkäy balalar belän eşlim.

– Tatarça iñ yaratkan süzläreñ yaki frazalarıñ.

– Räxät-bäxet,äydä aşarga,kırgıy gafu.

– Sälkeşlärgä telägeñ.

– Kaderle häm yaratkan sälkeşlär! Härwakıtta da üzegez bulıp kalıgız! Şunı onıtmagız, sezneñ härberegez indiwidual.

tulısınça ukırga

Tahir Kärimullin

«Sälät-Samara» smenası ölkän äydamanı

– Sin Sälät berläşmäsenä niçek kilep kerdeñ?

– 8-nçe sıynıfta ukıganda min yaş jurnalistlarnıñ «Altın kaläm» festiwalenä eläktem. Andagı tatar törkeme gel «Sälät» turında söyläşä ide. Berniçä bala «Sälät-Rauşan» smenasın zarıgıp kötüläre turında äytte. Min dä kızıktım. Häm 9-nçı sıynıfta hiçşiksez Sälätkä barırga digän maksat kuydım. Menä şulay kilep eläktem min Sälät dönyasına. Häm bik ozakka eläktem (elmaya).

– Sälättä iñ yaratkan öç smenañ.

– «Sälät-Samara», «Sälät-Rauşan», Klub seminarları (aları alan tügel, şulay da «Sälät»le tormışımda aerım urın alıp toralar).

– Ul wakıttagı Sälät belän bügenge Sälätne çagıştır äle.

– Minemçä, min sälkeş bulgan häm xäzer üzem ölkän äydaman bulgan zamannarnı çagıştıru bik ük döres tügel. Şunısın gına tögäl äytä alam: Sälät iskitkeç zur tempta üsä, härwakıt zaman belän bergä atlıy, gel xäräkättä.

– Sälkeş – ul...

– Minem öçen sälkeş Sälät alanında bulıp kitkän bala gına tügel. Sälkeş – kön saen üzen üsterü yunäleşendä eşli, härçak kamillekkä, üseşkä omtıla torgan bala ul.

– Äydaman – ul...

– Ul tormış räweşe.

 

– Berençe äydamannarıñnı xäterliseñme?

– Älbättä, xäterlim: Rafael abıy Şamilow belän Gölnara apa Arslanowa. 

– Sälätkä nindi proektlar citmi dip uylıysıñ?

– Äytkänemçä, Sälät härwakıt zaman belän ber ayaktan atlıy. Aktual proektlar buldıra, şul uk wakıtta berläşmäneñ traditsiyalären häm printsipların da saklıy.

– Sin Sälättä nindi eş başkarasıñ?

– Gomumän alganda, eşçänlegem cäyge smenalar belän bäyle. 2015-nçe eldan başlap, «Sälät-Älmät» i «Sälät-Menedjer» klublarınıñ kuratorları da bulıp toram. «Sälät Bilär Forum», «Bika Fest», «Xorlar Festiwale» kebek proektlarnı oeştıruda katnaşkanım bar.

– Sälättän kala nindi kızıksınularıñ bar?

– Min Sälät tormışında aktiw katnaşırga tırışam, şuña kürä energiyamne yuk-barga sarıf itmim. Sport, muzıka belän şögıllänäm, kitaplar ukırga yaratam.

– Tatarça iñ yaratkan süzläreñ yaki frazalarıñ.

– Sin yaşämä cirdä faydasız ber 
Tümgäk bulıp tigez urında. 
Yanıp kalsın gomreñ mayak bulıp,
Üzeñnän soñ kilgän buınga.
Musa Cälilneñ «Ber üget» şigırennän alıngan bu süzlär – minem tormış dewizım.

– Sälkeşlärgä telägeñ.

– Açık bulıgız, yaña duslar tabıgız, bergäläp üsegez. Kiläçäktä sez yakın duslarga äylänäçäksez.

tulısınça ukırga

Robert Şäräfetdinow

«Sälät-Bögelmä» smenası ölkän äydamanı

– Sin Sälät berläşmäsenä niçek kilep kerdeñ? 
– Yakın dustım, sıynıftaşım çakırdı. Sälätle keşelärneñ kabatlanmas moxit tudıruı turında bik yalkınlanıp söyläde. Ul moxitne üz küzlärem belän kürü, toyu öçen miña, älbättä inde, üzemä Sälätkä barıp kararga kiräk ide. Häm min dustıma iyarep 2013-nçe elda Yazgı sessiyagä bardım. Ul wakıtta sessiyalär «Baytik» bazasında ütä ide äle. 

– Sälättä iñ yaratkan öç smenañ. 
– «Sälät-Bögelmä», «Sälät-Gayrät», «Sälät-Şäxes». 

– Ul wakıttagı Sälät belän bügenge Sälätne çagıştır äle. 
– Här zaman Säläte üzençä şäp. Sälät härçak üseştä, häm bu iñ möhime! 

– Sälkeş – ul... 
– Kıymmätle taş. 

– Äydaman – ul... 
– Şul kıymmätle taş belän eşläüçe yuwelir. 

– Berençe äydamannarıñnı xäterliseñme? 
– Äye, bik äybät xäterlim. Aysılu apa belän Tahir abıy. Min oyalçan bala tügel idem, tik şulay da berençe tapkır kilgäç, Sälät dönyasına kerep kitü awırrak buldı. Äydamannarım härçak minem belän söyläşte, miña teräk buldılar, näticädä, sessiyagä kilüemneñ öçençe könendä min inde Sälät keşesenä äylängän idem. Monıñ öçen berençe äydamannarıma bik räxmätlemen.

– Sin Sälättä nindi eş başkarasıñ? 
– Iñ tekä «Sälät-Bögelmä» komandası belän här atna saen cıelıp, altın balalar öçen onıtılmaslık 18 kön äzerlibez. #netniçegokruçeçemnaşabuga

– Sälättän kala nindi kızıksınularıñ bar? 
– Uniwersitetta 4-nçe kursta ukıym, futbol buença cıelma komandada uynıym, eşlim, kıskası, wak-töyak mäşäkatlär öçen borçılıp utırmıym, tormıştan täm tabıp yaşim. 

– Tatarça iñ yaratkan süzläreñ yaki frazalarıñ. 
– Aş bulsın! Çın küñeldän bez bögelmädän. «Kalgan eşkä kar yawa». 

– Sälkeşlärgä telägeñ. 
– Oyalıp tormagız, yaña keşelär belän tanışıgız, ber minutnı da äräm itmägez, üzegezne törle yaña rollärdä sınap karagız, açılıgız, üzegezne çolgap algan Sälät moxitennän täm tabıgız.
tulısınça ukırga

Läysän Şäyxetdinowa

«Sälät-Kandrakül» smenası ölkän äydamanı

– Sin Sälät berläşmäsenä niçek kilep kerdeñ?

– 2012-nçe elda berençe tapkır «Sälät-Bolgar» smenası uzdı. Şul eldan başlap, min här elnı Sälät atmosferasına çumam.

– Sälättä iñ yaratkan öç smenañ.

– Älbättä inde, küñelemä iñ yakın alan – «Sälät–Bolgar». «Sälät–Imänkäy»neñ imän kebek nık dustanä moxitenä soklanam. Ä xäzer bu isemlekkä «Sälät – Kandrakül» dä östälde.

– Ul wakıttagı Sälät belän bügenge Sälätne çagıştır äle.

– Bu sorauga ozaklap uylap cawap birergä kiräk. Ä uylar xatirälärdän barlıkka kilä. Sälät minem öçen härwakıt cılılık çıganagı, gailä buldı. Xäzer min monıñ şulay buluın tagın da yaxşırak añlıym.

– Sälkeş – ul...

– Min härwakıt kabatlıym: sälkeş ul – çiksez ilham, yaxşı käef çıganagı, äydamannar uylagan iskitkeç zur maksatlarnıñ mägnäse, äydamannıñ çagılışı.

– Äydaman – ul...

– Iñ yakın, iñ ixlas, iñ köçle, iñ akıllı häm iñ kiräkle keşe!

– Berençe äydamannarıñnı xäterliseñme?

– Älbättä, xäterlim! Alar belän haman da gorurlanam. Alarnıñ ixlaslıgın küñelemdä saklıym, kiräk wakıtta ul ixlaslık miña bik bulışa. Berençe äydamannarım minem tormışımda möhim rol uynadı.

– Niçek uylıysıñ, bezgä nindi proektlar citmi?

– Sälättä proektlar bik küp häm alar barısı da şäp. Min forumnan tış ta törle kızıklı master-klasslarga yörer idem. Äytik, kışın. Ul master-klasslarnı tanılgan keşelär uzdırırga tieş digän süz tügel, Sälättä talantlı häm akıllı keşelär bik küp bit.

– Sin Sälättä nindi eş başkarasıñ?

– Elegräk daimi räweştä «Bikafest», «Sälätkä nur bulgan yoldızlar» bäygelärendä katnaşa idem. «Sälät-Media mäktäbe»ndä dä belem aldım. Ä xäzer bar köçemne «Sälät-Kandrakül» alanı eşçänlegenä yunälderergä tırışam.

– Sälättän kala nindi kızıksınularıñ bar?

– Fotoga töşeräm, skrapbuking belän mawıgam. Uniwersitetta ukıym.

– Tatarça iñ yaratkan süzläreñ yaki frazalarıñ.

– Kuldaşım; Yaz apa; irtä.

– Sälkeşlärgä telägeñ.

– Böten cirdä bulırga häm Sälättäge böten yaxşı närsäne üzeñä señderergä tırış. Wakıtıñnı yaratkan şögıleñä bagışla.

tulısınça ukırga

Miläüşä Siraciewa

«Sälät-Yar Çallı» smenası ölkän äydamanı

– Sin Sälät berläşmäsenä niçek kilep kerdeñ?

– 2016-nçı elda «Äydamannar mäktäbe» başlanırga ber kön kala miña älege mäktäpkä kilep kararga täkdim ittelär. Küpçelek duslarım Sälät dönyasında kaynıy, süz saen Sälätne kıstırıp söyläşä ide, şuña kürä bik teläp riza buldım. Alar söyläşkändä ük üzemne şuşı zur berläşmäneñ ber kisäkçege itep xis itä idem inde. Mömkinlek buluga, anı kulımnan ıçkındırmadım.

– Sälättä iñ yaratkan öç smenañ.

– «Sälät-Yar Çallı», «Sälät-Eşmäkär», «Sälät-Imänkäy» – näk menä şuşı alannar 2017-nçe elnıñ cäen onıtılmaslık itte.

– Ul wakıttagı Sälät belän bügenge Sälätne çagıştır äle.

– Min Sälätkä äle küptän tügel genä kilep kerdem. Tik üzem bu dönyada kaynagan 3 elnı gına karasak ta, üzgäreşlär küzgä kürenep tora. El saen kübräk proektlar, forumnar barlıkka kilep tora, alarda katnaşıp, üzeñneñ sälätläreñne açarga mömkin.

– Sälkeş – ul...

– Betmi torgan energiya häm ilham çıganagı.

– Äydaman – ul...

– Äydamannı küñelendä här bala turında xatirälär saklıy torgan fotografka tiñlär idem.

– Berençe äydamannarıñnı xäterliseñme?

– Kızganıç, tik miña sälkeş bulu nasıyp bulmadı, tik min bu buşlıknı xäzer – üzem äydaman, ölkän äydaman häm direktor bulıp eşlägändä tutırırga tırışam.

– Niçek uylıysıñ, bezgä nindi proektlar citmi?

– Sälättä balalarnı törle yaklap açarga yardäm itä torgan törledän-törle proektlar bixisap. Mondıy masştabtagı berläşmägä üzeneñ belem birü uçrejdeniesen açu turında uylansa da buladır dip sanıym. Bu bezdäge belem birü sistemasına yaña sulış örer ide.

– Sin Sälättä nindi eş başkarasıñ?

– Bıel min «Sälät-Yar Çallı» alanında ölkän äydaman, «Sälät-Imänkäy»dä direktor häm 5-nçe forumda direktorlarnıñ berse bulaçakmın.

– Sälättän kala nindi kızıksınularıñ bar?

– Minem kızıksınularım bik küp törle. Aktiw räweştä fän belän şögıllänäm, mäkalälär yazam, konferentsiyalärdä katnaşam. Cırlıym, biim, Studentlar Yazında katnaşam, kıskası, aktiw student tormışı alıp baram.

– Tatarça iñ yaratkan süzläreñ yaki frazalarıñ.

– «Akılıñ adaşsa, yörägeñnän yul sora».

– Sälkeşlärgä telägeñ.

– Sälkeşlär, ilhamlanıgız häm ilhamlandırıgız!

tulısınça ukırga

Aliya Äxmätowa

«Sälät-Rauşan 2018» smenası ölkän äydamanı

– Sin Sälät berläşmäsenä niçek kilep kerdeñ?

– 2013-nçe elda apam mine «Sälät-Bolgar» alanına çakırdı häm min anda bik teläp bardım. Berniçä kön palatkada yaşiyaçägebezne belgäç, başta kurıkkan idem, tik monıñ üz romantikası bar ikän (elmaya). Şuşı kıska gına smena wakıtında miña gomeremdä berençe sarı futbolka birdelär, küp kenä kızıklı keşelär belän tanıştım, Bilär forumında katnaştım häm Sälät berläşmäse dönyasına gaşıyk buldım!

– Sälättä iñ yaratkan öç smenañ.

– Iñ yaxşı smena «Sälät-Rauşan» buldı. Bu alannıñ ber öleşe buluıma niçek söenüemne süzlär belän genä añlatıp beterep bulmıy. Şulay uk «Sälät-Ostalar Bistäse» smenasın da aerıp äytäsem kilä. Bu alan miña ölkän äydaman täcribäsen büläk itte. 80 bala, 6 äydaman häm 5 ukıtuçı – barıbız da ber gailägä äyländek. Häm, älbättä inde, «Sälät-Monreal». Bu alan minem tormışımda yaña etap buldı, ul miña onıtılmaslık säyaxät häm xıyaldagı komandada eşläü mömkinlege birde!

– Ul wakıttagı Sälät belän bügenge Sälätne çagıştır äle.

– Wakıt uzu belän barısı da üzgärä, Sälät tä iskärmä tügel. Tik bu üzgäreşlär yaxşı yakka – şunısı söenderä. Här elnı Sälät smenaları, çaraları häm forumnarı üzeneñ masştabları häm osta oeştırılgan buluı belän gacäpländerä. Sälät – balalar häm yaşlärne üsterü, alarnıñ mömkinleklären açarga yardäm itü öçen menä digän mäydan. Tik üzgärmi kalgan närsälär dä bar. Bu – atmosfera. Ul elek niçek cılı bulgan bulsa, xäzer dä şulay!

– Sälkeş – ul...

– Sälätneñ yöräge!

– Äydaman – ul...

– Sälätneñ canı!

– Berençe äydamannarıñnı xäterliseñme?

–Alar – Elnar abıy Baynazarow häm Ayzilä apa Gıyzzätullina. Min alarga bik räxmätle! Alar här balanıñ küñelenä yul taba belde, törkemdä cılı häm dustanä atmosfera buldırdı, şäxsän mine Sälät belän tanıştırdılar, alannar, proektlar, forumnar turında söylädelär, bolar barısı da mindä şuşı berläşmäneñ ber kisäkçege bulası kilü telägen arttırdı!

– Niçek uylıysıñ, bezgä nindi proektlar citmi?

– Sälätneñ här proektı üzençä kızıklı häm faydalı, çönki alarnıñ härberse balalarnı häm yaşlärne törle yaklap üsterüne küzdä tota. Hönär saylau belän bäyle proekt täkdim itär idem. Balalarnı kiläçäk zaman hönärläre belän tanıştıra, alarga hönär saylarga yardäm itä torgan bu proektnı World Skills formatında da eşlärgä mömkin. Minemçä, bik şäp bulaçak!

– Sin Sälättä nindi eş başkarasıñ?

– Xäzerge wakıtta min Sälät klublarınıñ ölkän kuratorı, şulay uk «Sälät-Rauşan 2018» alanınıñ ölkän äydamanı häm «Sälät-Arşan 2018» alanı äydamanı.

– Sälättän kala nindi kızıksınularıñ bar?

– KFUnıñ Idarä, iktisad häm finanslar institutında 4-nçe kursta ukıym, uniwersitettagı fänni konferentsiyalärdä katnaşam, mäkalälär yazam, mäktäp ukuçıların cämgıyat beleme häm ingliz tele fännärennän töp däülät imtixanın (OGE) tapşıruga äzerlim.

– Tatarça iñ yaratkan süzläreñ yaki frazalarıñ.

– Xäräkättä – bäräkät.

– Sälkeşlärgä telägeñ.

– Härwakıt üz maksatıgızga taba barıgız, üz-üzegezgä ışanıgız! Häm barısı da yaxşı bulaçak!

tulısınça ukırga