IXO illäreneñ X Kazan yaş eşmäkärlär forumı ← kire kaytirga
14-18 may könnärendä Kazanda XV Xalıkara iktisadıy «Rossiya – Islam dönyası: KazanForum» forumı kısalarında IXO illäreneñ X Kazan yaş eşmäkärlär forumı uza. Forumnıñ töp maksatı - Rossiya Federatsiyase häm Tatarstan Respublikasında eşçänlek alıp baruçı bizneslar belän xezmättäşlekne üsterügä yunälderelgän IXO illärendäge yaş eşmäkärlärgä yardäm itü. 2024elgı forumnıñ kön tärtibendäge töp mäsälä - «Icadi industriyalär». Forumda zamança sängat, media, xalık icatı, totrıklı üseş, turizm kebek yunäleşlär buença startap-finalistlar katnaşaçak.
IXO illäreneñ yaş eşmäkärlär forumı - Rossiya Federatsiyase häm Tatarstan Respublikasındagı bizneslar belän xezmättäşlekne üsterügä yunälderelgän Islam xezmättäşlege oeşması illärendäge startaplarga yardäm itüneñ unikal platforması.
Forum 2014 eldan birle el saen ütkärelä, aña Rossiya Federatsiyase häm IXO illärennän yözlägän startaplar, inwestorlar häm ekspertlar cälep itelä. 2015 eldan 2024 elga kadär forumda 55 ildän 1000nän artık wäkil katnaştı, ä cälep itelgän inwestitsiyalär sanı 2 million dollardan artıp kitte. Spikerlar häm belgeçlär bulıp startaplarga nigez saluçılar, wençur kapitalistları, Rossiyadä häm böten dönyada äydäp baruçı texnologik firmalar citäkçeläre tora.
2024 elda Forumnıñ garizalar kampaniyasendä 45 ildän 150dän artık startap katnaştı, forum belgeçläre alar arasınnan 30 yaş eşmäkärne saylap aldı. 2024 elda katnaşuçılarnıñ geografiyase 17 ilne kolaçlıy. Finalga Kazaxstan, Nigeriya, Senegal, Pakstan, Aljir, Misır, Fälästin, Iran, Indoneziya, Liwan, Kırgızstan, Bangladeş, Üzbäkstan, Äzerbaycan, Törkiya, Indoneziya häm Rossiya illärennän biznes wäkilläre çıktı. Tatarstan Respublikasındagı bizneslar citäkçeläre, şulay uk ministrlıklar, biznes-akseleratorlar häm Äzerbaycan, Oman, Pakstan, Iran, Üzbäkstan, Pakstan, Rossiya kebek illärdän ere kompaniyalär wäkilläre forum belgeçläre häm «Kreatiw eşmäkärlär yardäme belän milli häm traditsion mädäniyatne üsterü» häm «Ni räweşle yasalma fähem (II) kreatiw industriyalär üseşenä yogıntı yasıy?» panel sessiyaläre spikerları bulaçak.
Forumnı Tatarstan Respublikası yaşlär eşläre ministrlıgı, Islam xezmättäşlege oeşması Yaşlär forumınıñ Ewraziya töbäk üzäge (ICYF-ERC), «Sälät», RE’ACTOR Art-rezidentsiyase, Yaşlär diplomatiyase akademiyase oeştıra.