Şaxmat – ul uen da, köräş tä, icat ta

30 mart könne Sälät yortında Ädip Älmir kubogına X şaxmat turnirınıñ yomgaklau etabı uzdı. Unınçı tapkır ütkärelgän älege turnir bıel yanä yaş şaxmatçılarnı ber östäl artına cıydı.

Turnir tarixı erak gasırlarga totaşkan şaxmat uenınıñ bügenge yugarı texnologiyalär zamanında da populyarlıgın yugaltmawın isbatlıy. Bu uen belän mawıguçılar, turnirda üz köçlären sınap kararga teläüçelär sanı eldan-el arta. Şaxmatçılar arasında turnirlarda el saen katnaşıp, zur uñışlarga ireşkän yaşlär dä, uynau ostalıkların äle berençe tapkır gına kürsätergä teläüçelär dä bar ide.

Katnaşuçılar öçen Tatarstan Respublikası Şaxmat Federatsiyasennän maxsus kunak, şaxmat buença xalıkara sport masterı Ildar Nizamow ostaxanä uzdırdı.

Agımdagı elda Ädip Älmir kubogına şaxmat turnirı 10 ellık kürkäm yubileen bilgeli. Şuşı däwerdä Sälät moxitendä şaxmat uenın populyarlaştıru, şaxmat uynaunı aktiwlaştıru, yaşlär arasında bu uenga kızıksınu uyatu, şaxmat kazanışların propagandalau, uennı gadätkä kertü, kübräk yaşlärne cälep itü, aktiw, sälätle balalarnı häm yaşlärne açıklau häm tuplau yunäleşlärendä külämle eş alıp barıldı.

Turnir FIDA şaxmat uennarı kagıydäläre buença ütkärelde. Ädip Älmir kubogına X şaxmat turnirınıñ näticäläre şundıyrak:

– I keçe törkem – häwäskär uençılar (razryadsız) arasında:

1 urın - Äxmätşin Timur

2 urın - Çurekeew Kärim

3 urın - Wasilew Iwan

– I olı törkem – häwäskär uençılar (razryadsız) arasında:

1 urın - Timerow Islam

2 urın - Näbiew Rüzäl

3 urın - Salixow Ämir

– II keçe törkem – razryadı bulgan uençılar (1-3 razryadlı) arasında:

1 urın - Abdullin Ämir

2 urın - Xamidullin Aslan