4-5 dekabr könnärendä «Fänsar» fän häm mägarif üzägendä «Änwär Xäyri ukuları» Respublikaküläm yaşlär fänni-gamäli konferentsiyase uzaçak. Garizalar kabul itü kampaniyasen başlıybız! 

Konferentsiyaneñ maksatı: 
– Bilär kalası tarixın fänni öyränügä häm Bilärne dönyaga tanıtuga zur öleş kertüçe, tatar dönyası tarixında cuelmas ez kaldıruçı galim, sälkeşlärneñ Dustı häm Ostazı Änwär Xäyri isemen mäñgeläşterü;
- fänni, ictimagıy eşçänlek alıp bargan galimneñ fänni-praktik eşlärenä karata ukuçılarda kızıksınu uyatu;
- yaşlärgä häm mäktäp ukuçılarına  tarixi-arxeologik ölkägä kagılışlı fänni-praktik eşlärendä yardäm itü.  

Konferentsiya programması tübändäge temalarnı üz eçenä ala: 
     
1. «Böek Bilär kalası: tarix, bügen häm kiläçäk».
2. Böek Bilär tiräsendäge awıllar tarixı (tarixi yazmalar, istäleklär, riwayatlär).
3. «Änwär Xäyri mirası».     
4. «Min yaratam sine, tugan cirem» (misal öçen, mäktäbeñ tarixı, awılıñ tarixı, yaşägän uramıñ tarixı h.b.ş.).  
5. «Gailäm tarixı» (misal öçen, minem şäcäräm, gailäm belän bäyle bulgan istäleklär).
6. Änwär Xayrineñ «Şähre Banu – Şärbän kıyssası» isemle kitabı nigezendä yazılgan dokladlar.

Katnaşuçılar: Tatarstan Respublikasınnnan, Räsäy töbäklärennän häm çit illärdän  7-11-nçe sıynıf ukuçıları häm yugarı uku yortları häm kölliyatlärdän 1-2 kurs studentları. Fänni eşlär ber keşe tarafınnan da, kümäk eş (3 keşe) bularak ta täkdim itelergä mömkin. Proekt fänni citäkçe belän eşlänergä tieş. 

Konferentsiyadä katnaşu öçen 2021 nçe elnıñ 21 nçe oktyabr – 25 nçe noyabr arasında maxsus töymägä basıp gariza kaldırıp,  fansar@selet.biz elektron adresına fänni-tikşerenü eşeneñ tezisların cibärergä kiräk.

NIGEZLÄMÄ