«Bolgar — Tugan tel» alanında yal itäçäk sälkeşlär isemlege äzer! ← kire kaytirga

15 iyunnän 21 iyungä kadär Bilär cirlegendä töbäkara çatırlı «Bolgar –Tugan tel» alanı uzaçak. Alannıñ programması tatar telen, mädäniyaten öyränügä, telneñ törle ölkälärdä gamäli kullanışın arttıruga yunältelgän.

Bıel älege smenada katnaşaçak sälkeşlärneñ isemlege.

«Bolgar — Tugan tel» - 2014 nçe eldan başlap uzdırıluçı çatırlı alan. Smena katnaşuçılarnıñ härbersenä üzlären tatar mädäniyaten üsterüdä cawaplı itep toyarga mömkinlek birä, törle tematik bloklarga bülengän mädäni häm belem birü çaralarınnan tözelä: tarix, tatar tele, milli biyu, wokal däreslären häm kul eşläre ostaxanälären üz eçenä ala. 

«Bolgar — Tugan tel» alanı Tatarstan Respublikası yaşlär eşläre ministrlıgı, Tatarstan Respublikası mägarif häm fän ministrlıgı yardäme belän ütkärelä. 

Proektnıñ maksatı – yaşlärneñ igtibarın tatar telen öyränügä cälep itü. Älege maksatka ireşü öçen tübändäge burıçlar ütälä:

- yaña mäglümati häm metodik eşlänmälär kullanıp, tatar telen tiränten öyränü, tatar telle moxit buldıru;

- tatar mädäniyate traditsiyalären üzläşterü. Aktiw pozitsiyale sälätle şäxes tärbiyaläüdä innowatsiyale alımnar kullanu.

Alan eşçänlege «Tatarstan Respublikası däülät telläre häm Tatarstan Respublikasındagı başka tellärne saklau, öyränü häm üsterü buença Tatarstan Respublikası däülät programması»n gamälgä aşıru kısalarında oeştırıla.