«CалаваTik»и и Лейсан Ветрова исполнили песню про «Сәләт»

Bügen «SalawaTik»larnıñ «Ua-ua» dip isemlängän cırga töşerelgän wideoları çıktı. Anı 2000 nçe ellar başında Güzäl Camaletdinowa icat itkän.

«2002 nçe elda bez Anapa şähärendä «Sälät» alanında yal ittek. Min äydaman bulıp eşlädem, – dip iskä ala cırnıñ awtorı. – Bezneñ törkemebez berdäm, dus häm köçle, aña bik küp talantlı balalar cıelgan ide.

«Sälät» alanında härwakıt küptörle çaralar uzdırılıp tora. «Ua-ua» cırın yazgan könne bezneñ alannıñ prezentatsiyase ütkärelde. Şigriyat kiçäse dä buldı», – dip iskä töşerä ul.

Älege klipta «SalawaTik»lar belän bergä tatar estradası yoldızı, cırçı Läysän Wetrowa da cırlıy. Ul bik küp ellar «Sälät»neñ törle proektlarında katnaşa häm sälkeşlärneñ iñ yaratkan cırların başkara.

«1996 elda min «Sälät»kä kilep kerdem. Häm şunnan birle canım-tänem belän «Sälät»tä! 90 nçı ellar axırında bez «Sälät»ne berençe tapkır Kara diñgez buena, Anapaga alıp bardık. 2001 elnı «Sälät-Arşan»da cırlar konkursı buldı. Äxmätow Rif alarnı matur itep yazdıra ide. Näk şunda canga yatışlı, berniçä «Sälät» buını yaratıp başkara torgan berniçä cır tudı. Güzäl Camaletdinowa yazgan «Ua-ua» cırı üzeneñ köçen tuplıy, arttıra bardı.

Min, küp ellar ütkäç, kabat bu cırnı «SalawaTik»lar belän başkarırga bik şat. Yaş çaklarnı iskä töşerep, yaña buın tatar balaları belän räxätlänep cırladım! Bügen üz balalarım da yaratıp «SalawaTik»lar cırların tıñlıy. Yaña klipta änilären kürep, tagın da söenerlär dip uylıym!» – dip ömetlänä Läysän Wetrowa.

Tulırak: https://tatar-inform.tatar/news/calavatiklar-salat-turynda-yazdyrgan-yrlaryn-takdim-ita-5873817