В Билярске стартовала первая смена форума «Сәләт».

Smenanıñ här köne däreslär häm uennar, sport yarışları häm mädäni kiçälär belän ürelep baraçak. Ä ukıtuçılar, pedagoglar häm kollektiw citäkçeläre öçen «Ostaz» uku-ukıtu programması oeştırılaçak.

Bilär tarixi-arxeologik muzey tıyulıgı territoriyasendä XII Xalıkara yaşlär uku-ukıtu forumı uzaçak. Berençe smena HÖNÄRLÄR BILÄR FORUM (Remesla/Junior skills) 23 iyunnän 27 iyungä kadär ütäçäk häm ukuçılarnıñ yaña hönärlär öyränüenä bagışlanaçak. 

Tatarstan Respublikası Räise Röstäm Miñnexanow yardäme belän uzdırıluçı yaşlär proektı Tatarstan Respublikası rayonnarınnan 14 000 sälätle balanı, ostazlarnı, Rossiyaneñ başka töbäklärennän häm çit illärdän watandaşlarnı berläşteräçäk.

Berençe smenada fän olimpiadaları, konferentsiyalär häm icadi festiwallärneñ ciñüçeläre häm prizerları, «Adımnar — belemgä häm tatulıkka yul» polilingwal belem birü kompleksınıñ 6-11 sıynıf ukuçıları, şulay uk profille Sälät alannarına konkurs saylap aluın uzgan balalar katnaşaçak. 

Start birüçe smena alarga kiläçäktä üz-üzlären üsterü öçen yaña mömkinleklär açaçak. Bu könnärdä törle uen häm motiwatsiyaläüçe däresle ostaxanälär uzaçak, ä katnaşuçılar törle belem ölkälären üzläşterä alaçak räsem sängatennän häm berdwotçingtan mikrobiologiyagä häm neyrotexnologiyalärgä kadär.

Berençe smenada texnik fännär kandidatı Yaroslaw Dmitriew çıgış yasayaçak. Ul neyron çeltärläreneñ üseşe tarixı häm alarnıñ bügen dizayn ölkäsendä niçek kullanıluı turında söyläyaçäk. Berniçä däres eçendä katnaşuçılar dizayner hönäre belän tanışaçaklar häm üzläre dä neyron çeltärlären kullanıp karıy alaçak.

KFU aspirantı, Rossiyaneñ koşlarnı saklau berlege ägzası Tatyana Surnina berdwotçing buença mawıktırgıç däres ütkäräçäk. Ornitologiya sessiyase kısalarında balalar koşlarnı küzätä häm Bilär muzey-tıyulıgınıñ tabigaten yakınnan belä alaçak.

Robototexnika häm matematika ukıtuçısı Gölmira Nurmanowa robototexnika turında letsiya ütkäräçäk. Däres wakıtında balalar kitap basu häm kinematografiya dönyası belän tanışaçaklar häm berençe robotlarnıñ kayda barlıkka kilüen beläçäklär.

TRnıñ äydäp baruçı art-kiçäläre rässamı, xalıkara sängat konkursları katnaşuçısı Anna Itrina räsem sängate buença «Planeta Sälät» dip isemlängän ostaxanä ütkäräçäk.

Forum kısalarında ximiya fännäre kandidatı Rawil Xäyrullinnan molekulyar biologiya buença däreslär seriyase uzaçak, anda balalar konfetlarnı yakınnan öyränä häm mikroskop astında konditer buyauları caylanmasın küzätä alaçak.

Smenanıñ här köne däreslär häm uennar, sport yarışları häm mädäni kiçälär belän ürelep baraçak. Ä ukıtuçılar, pedagoglar häm kollektiw citäkçeläre öçen «Ostaz» uku-ukıtu programması oeştırılaçak.

Gadättägeçä forumda tatar tele häm tarixına bagışlangan yunäleş («Tel häm tarix») zur rol uynıy. «Sälät»tä balalar Bilär tarixı belän tanışa häm küp däräcäle tel moxitenä çuma: tatar tele uku-ukıtu programması, kiçke çaralar häm xätta smenalar wakıtında yañgırauçı muzıkada da çagılış taba.

Forumda «Canlı Sälät» turıdan-turı efirlar studiyase üz eşen däwam itäçäk. Här telägän keşe, öennän çıkmıy gına da, forumnıñ onıtılmaslık moxitenä kuşıla, Bilär cirendä bargan wakıygalarnı küzätä alaçak. Translyatsiyalär forumnıñ WKontakte häm YouTube ofitsial akkauntlarında alıp barılaçak. 

Sälät – Tatarstannıñ yöze bulgan proektlarnıñ berse, Rossiya territoriyasendä dä, anıñ çiklärendä dä kiñ tanılu algan istälekle wakıyga. Ul belem birü häm IT-texnologiyalär ölkäsendäge täcribä häm ideyalär belän urtaklaşu, şäxsi häm hönäri sıyfatlarnı üsterü, iñ ähämiyatle dönyaküläm fänni-texnologik häm sotsial trendlar belän tanışu platforması. 

Forumnıñ ideyase - intellektual, icat belän kızıksınuçı, mädäni häm ruxi yaktan kamilläşergä teläüçe yaşlärne berläşterüçe üseş moxite buldıru. 

Bu xakta tulırak: https://idel-tat.ru/news/novosti-tt/bilarda-salat-forumynyn-berence-smenasy-start-ala