«Әнвәр Хәйри укулары» фәнни-гамәли конференциясенең II этабына узучылар билгеле ← кире кайтырга

«Әнвәр Хәйри укулары» Республикакүләм яшьләр фәнни-гамәли конференциясе быел сигезенче тапкыр уза. Ул Биләр каласы тарихын фәнни өйрәнүгә һәм Биләрне дөньяга танытуга зур өлеш кертүче, татар дөньясы тарихында җуелмас эз калдыручы галим, сәлкешләрнең Дусты һәм Остазы Әнвәр Хәйри исемен мәңгеләштерү максанда «Сәләт» Татарстан Республикасының яшьләр иҗтимагый фонды, «Сәләт» яшьләр үзәге ярдәме белән, Татарстан мәгариф һәм фән министрлыгы, Татарстан Республикасы мәдәният министрлыгы, Татарстан Республикасының яшьләр эшләре министрлыгы белән берлектә, КФУ халыкара мөнәсәбәтләр институты, Алексеевск муниципаль районы администрациясе катнашында оештырыла.

Конференция программасы түбәндәге темаларны үз эченә ала: 

• «Бөек Биләр каласы: тарих, бүген һәм киләчәк»

• Бөек Биләр тирәсендәге авыллар тарихы (тарихи язмалар, истәлекләр, риваятьләр)

• «Әнвәр Хәйри мирасы»        

• «Мин яратам сине, туган җирем» (мисал өчен, мәктәбең тарихы, авылың тарихы, яшәгән урамың тарихы һ.б.)      

• «Гаиләм тарихы» (мисал өчен, минем шәҗәрәм, гаиләм белән бәйле булган истәлекләр)

• Әнвәр Хәйринең «Шәһре Бану – Шәрбән кыйссасы» исемле китабы нигезендә язылган докладлар.

Быел фәнни-гамәли конференциядә катнашырга теләүчеләрнең саны 100 дән артып китте. Читтән торып катнашу этабында фәнни эшләрнең Оештыру комитеты тарафыннан барлык кагыйдәләр нигезендә эшләнгәнлеге тикшерелде, шуннан соң экспертлар советы иң яхшы эшләрне сайлап алды.

Экспертлар составы каршында эшне тәкъдим итү этабына сайлап алынган иң яхшы фәнни эшләр авторларының исемлеге.

1 - 3 декабрь көннәрендә әлеге яшьләр «Фәнсар» үзәгендә узачак конференциянең икенче этабында катнашачак.