«Атлант» өстәл уеннары клубы

Östäl uennarı intellektnı üsterä häm xarakterdagı möhim sıyfatlarnı häm tormış künekmälären  yaxşırtırga bulışa, bu, çınnan da, tormıştagı küp kenä oçraklarda faydalı bula. Sabırlık, täwäkkällek, möstäkıyl kararlar kabul itü, şul uk wakıtta citezlek häm aldan uylap eşläü sıyfatları. 

Proektnıñ maksatı:
-östäl uennarı belän kızıksınuçı balalar öçen maxsus däreslär aerım häm uennar buença çempionatlar uzdırıp, intellektual uennarnı aktualläşterü häm yaşlär arasında alarnı populyarlaştıru. 

Proektnıñ burıçları:
- yaşlär arasında östäl uennarın propagandalau, sistemalı däreslärgä cälep itü;
- sälätle balalarnı häm talantlı yaşlärne açıklau. 

Şaxmat: ike köndäş öçen 64 çitlekle taktada maxsus figuralı östäl logik uenı. Şaşka: ike uençı öçen logik östäl uenı, ul bilgele ber räweştä şaşkalarnı  takta küzänäkläre buença yörtü uenı. Go: Borıngı Kıtayda barlıkka kilgän tirän strategik eçtälekle logik östäl uenı. Uençılarnıñ gomumi sanı buença-dönyada iñ kiñ taralgan östäl uennarınıñ berse. Bötendönya intellektual uennarınıñ biş töp distsiplinası arasına kerä. Monopoliya: ike häm annan da kübräk keşe öçen iktisadi häm strategik östäl uenı.

Ädip Älmir kubogına IX şaxmat turnirı 

Turnir 2 etaptan gıybarät: onlayn häm oflayn.
Onlayn etabı 2023 elnıñ 16-nçı martında lichess.org platformasın kullanıp ütkärelä.
Anıñ näticäläre buença iñ şäp 60 uençı bilgelänä – alar oflayn etabına uza.
Oflayn etabı 2023 elnıñ 21-nçe martında Sälät Yortında (Kazan şähäre, Ostrowskiy uramı, 23-nçe yort) ütkärelä.
9:00 – katnaşuçılarnı terkäü, 10:30 – turnir başlana.

NIGEZLÄMÄ

Katnaşu öçen garizalar monda kabul itelä. 
Rukowodstwo
  • Almaz Abdraxmanow

    Proekt citäkçese



    +79393115685