«Sämrux» el premiyase kısalarında uzdırıluçı «Äydamannar yarışı» - här sälätle yaxşı belgän häm dulkınlanıp kötep algan proekt. Biredä «El äydamanı» bilgelänä.

El saen uzdırıluçı proekt bıel 15-19 oktyabr könnärendä Bilärdä «Fänsar» bazasında uzdı. Yarışta 2024 elgı cäyge profille «Sälät» alannarınıñ iñ osta, tırış, cawaplı häm aktiw äydamannarı katnaştı. Konkurska kilgän 100dän artık gariza arasınnar 50 äydaman kiläse etapka uzdı häm berniçä kön eçendä üz köçlären bixisap biremnärdä sınadı. 

Abıy-apalar, ike ligaga bülenep, üz sälätlären, äti-änilär belän aralaşu ostalıkların, balalar belän urtak tel taba, pedagogik oçraklarnı xäl itä belülären, gomumi belemnären, smenanıñ aerılgısız öleşe bulgan kiçke çaralar, törkemdä uennar, şämçeklär, ostaxanälär ütkärä belülären kürsätte. «Äydamannar yarışı»nıñ barlık katnaşuçıları arasınnan 12 äydamanga finalga çıgu bäxete elmaydı.

«Sälät» yaşlär üzäge direktorı Aygöl Gabdraxmanowa süzlärençä: «Äydamannar yarışı»na kilgän här katnaşuçı - ciñüçe, çönki alarnıñ härberse ürnäk äydamanda bulırga tieşle sıyfatlarga: sälkeşlärneñ mäxäbbäten yaulap alu, alar öçen kiñäşçe, teräk, yardämçe bulu, härwakıt kiräkle süzlärne häm balalarnıñ yörägenä açkıç taba belügä iya».

Dörestän dä, yarıştagı här äydamanıñ törle ölkälärdäge ostalıkların bilgeläp ütärgä kiräk: berse pedagogik oçraklarnı tiz arada çişä belsä, ikençesenä şämçeklär ütkärüdä tiñnär yuk. «Äydamannar yarışı»ndagı konkurslarında ciñü yaulagan äydamannar: 

- Min sälätle äydaman konkursı: «Berençe liga» - Baxtiyar Kasıymow, «Premer-liga» - Danil Säyfullin 

- Intellektual konkurs: «Berençe liga» - Säet Srurow, «Premer-liga» - Almaz Nigmätcanow

- Şämçeklär konkursı: «Berençe liga» - Tañçulpan Gıylacowa, «Premer-liga» - Miläüşä Garifyanowa

- Pedagogik oçraklar konkursı: «Berençe liga» - Asilä Zakirowa, Azaliya Şiriewa, «Premer-liga» - Söläyman Möxämmätcanow

- Top spiker konkursı: «Berençe liga» - Alinä Wäliewa, «Premer-liga» - Rämis Diyarow 

- Kiçke çara konkursı: «Premer-liga» - Raniya Gabitowa

- Törkemdä uennar konkursı: «Premer-liga» - Kamil Mostafin, Islamiya Gäräewa

- Aralaşu ostalıgı konkursı: «Premer-liga» - Ämir Şäyxetdinow

- Xalık mäxäbbäte nominatsiyase: «Berençe liga» - Asilä Zakirowa


Töp ciñüçelär itep isä, «Berençe liga»da Azaliya Şiriewa, ä «Premer-liga» Almaz Nigmätcanow tabıldılar! 

Ciñüçelärne, finalistlarnı häm barlık katnaşuçılarnı kotlıybız! Afärin, buldırdıgız!