Hönärlär Bilär Forum garizalar kabul itä! ← kire kaytirga
17 - 23 iyul könnärendä Bilär tarixi-arxeologik muzey tıyulıgı territoriyasendä uzaçak XIV Xalıkara yaşlär uku-ukıtu forumınıñ ikençe smenası – Hönärlär Bilär Forumga garizalar kabul itü kampaniyasenä start birelde!
2018 eldan başlap, Tatarstan Respublikası Räise Röstäm Nurgali ulı Miñnexanow yardäme belän uzdırıluçı smenanıñ programması üz eçenä zamança belem birü formatların, mädäni çaralarnı, sport yarışların häm TR häm RF ekspertları belän tematik laboratoriyalärne ala.
Bu elnıñ unikal yañalıgı: smena programması balalar, yaşlär häm alarnıñ ostazlarınıñ öç yunäleş buença: icat, media, mäglümati texnologiyalär yunäleşlärendä – potentsialın açıklau, gamälgä aşıru häm üsterü öçen unikal mäydançık bularak oeştırılaçak!
Ukuçılar öçen irtä hönäri äzerlek häm hönäri yunäleş birü programmaları uku-ukıtu çaralarınıñ gamäli yunäleşle yaña formatlarınnan gıybarät: lektsiyalär, ostaxanälär, treninglar, icadi oçraşular, katnaşuçılar öçen dä, alarnıñ citäkçeläre öçen dä Tatarstan Respublikasınıñ häm Rossiya Federatsiyaseneñ başka töbäkläreneñ äydäp baruçı ekspertlarınnan laboratoriyalär.
Forumda konkurs nigezendä saylap alıngan balalar yaisä 2025 elga eşçänlek turında kileşüläre bulgan töbäk «Sälät» klubları häm «Sälät» klassları liderları katnaşa ala. Katnaşuçılarnıñ yaşe: 12-18 yaş. Garizalar 25 iyungä kadär kabul itelä.
Hönärlär Bilär Forumnıñ tärtibe häm şartları turında tulırak nigezlämädä tanışırga mömkin.
