Айгуль Сабирова: «Сәләт – это уникальная коммуникационная среда»

El saen «Tatar-inform» mäglümat agentlıgında «Sälätle cäy» cäyge kampaniyasenä bagışlangan matbugat konferentsiyase uza. Bıelgı çarada Tatarstan Respublikası Räise yardämçese, «Berençelär xäräkäte» Rossiya balalar häm yaşlär xäräkäteneñ Respublika bülege citäkçese Timur Söläymanow, Tatarstan Respublikası Yaşlär eşläre buença ministr urınbasarı Aygöl Sabirowa, «Sälät» yaşlär üzäge direktorı Aygöl Gabdraxmanowa, «Sälät» mägarif häm mägarif texnologiyaläre üzäge citäkçese, «Ostaz» häm «Sälät cıenı» proektları citäkçese Dilärä Yakubowa  häm «Sälät» yaşlär üzäge direktorı urınbasarı, «Sälätle cäy» üzäge citäkçese Ayaz Xanafin katnaştı.

Bıel «Sälät» üzeneñ 31 sezonın uzdıra. 1994 elda Arçadagı (Tatarstan) Kazan däülät uniwersitetı entuziast ukıtuçıları initsiatiwası belän 65 bala katnaşındagı berençe ukıtu-sawıktıru lagerennan başlap, üz proektlarına Tatarstan Respublikasınıñ, Rossiya Federatsiyaseneñ unnan artık töbägeneñ, şulay uk çit illärneñ 25 meñnän artık sälätle balasın häm yaşlären cälep itä torgan sotsial-pedagogik komplekska kadär ozın üseş yulı uzdı.

«Sälät» yaşlär üzäge direktorı Aygöl Gabdraxmanowa süzlärenä karaganda, bıel 24 smena ütkärü planlaştırıla. Bolar – «Sälät» profille smenaları, «Bolgar – Tugan tel» töbäkara palatkalı lagere, «Sälät»XIV Xalıkara yaşlär mägarif forumı. «Bez cäyge smenalar turında söylibez, ämma «Sälät» cäy köne genä eşlämi. Bezneñ äzerlek sentyabrdä başlana häm şul uk ayda tämamlana. Sannarga kilgändä, bıel cäy bue eşläüçe äydamannar sanı 700dän artıp kitäçäk, citäkçelär komandası 100dän artıp kitäçäk, ä ukıtuçı-ukıtuçılar sanı şulay uk 700dän artıp kitäçäk, monnan tış, bıel bez smenalarda häm forumnarda katnaşuçı sälätle balalar sanın 20 meñgä yakınaytunı maksat itep kuyabız».

Bıel Tatarstan, Başkortostan, Çuwaşiya häm Kırım bazalarında 24 cäyge profille smena ütkärü planlaştırıla. Anda 7-18 yaşlek balalar häm yaşüsmerlär katnaşaçak. Tatarstan Respublikası Yaşlär eşläre buença ministr urınbasarı Aygöl Sabirowa: «Sälätlelär öçen dä, bezneñ öçen dä» «Sälät» – unikal kommunikatsion moxit, ul tatar telen üsterü häm saklau mäsäläläre belän berrättän sälätle balalar häm yaşlär sanın ezläüne, üsterüne häm arttırunı maksat itep kuya. Tatarstan Respublikası Räise Röstäm Miñnexanow yardäme belän Sälät proektlarınıñ masştabları kiñäya, häm xäzerge wakıtta Sälät xäräkäte Tatarstanga gına tügel, böten ilgä taraldı».

«Sälätle cäy» sälamätländerü kampaniyasenä äzerlekle kadrlar cälep iteläçäk. «Sälät» bu eşne el bue alıp bara. Kadrlar äzerläü maksatlarında «Äydamannar mäktäbe», «Citäkçelär mäktäbe» häm «Ukıtuçılar mäktäbe» ütkärelä. Bu xakta «Sälät» mägarif häm mägarif texnologiyaläre üzäge citäkçese, «Ostaz» häm «Sälät cıenı» proektları citäkçese Dilärä Yakubowa centekläbräk söyläde: «Sälättä belem birü programması – däreslär häm master-klasslar gına tügel, ul böten Sälät moxite. Belem birü programması el saen yañartıla – yaña temalar häm belgeçlär barlıkka kilä. Monnan tış, «Sälät» XIV Xalıkara yaşlär mägarif forumınıñ berençe smenaları kısalarında forumga kilgän kollektiw citäkçeläre öçen «Ostaz»proektı oeştırılaçak. Forum barışında balalar üzläreneñ intensiw programmasında katnaşaçak, ä alarnıñ citäkçeläre öçen aerım maxsus uku mäydançıkları buldırılaçak».

Tatarstan Respublikası Räise yardämçese Timur Söläymanow «Sälät» bergälegeneñ «Berençelär xäräkäte» gomumrossiya xäräkäte belän üzara bäyläneşe turında söyläde: «Berençelär xäräkätendä katnaşuçılarnıñ kübese Sälät proektlarında katnaşu täcribäsenä iya. Sälät «Berençelär xäräkäte» belän aktiw xezmättäşlek itä. Sälät –  ul tere moxit, küreneş, ul oeşma da, xäräkät tä, tulı ber sistema da, şuña kürä anda el saen yañartular küp, ämma iñ möhime – yul kürsätüçelär, katnaşuçılar, yaşlär. Bıelgı töp yañalık –  älege proektlarda katnaşa alırlık sälätle balalar, talantlı yaşlär sanın arttıru östendä eş».

«Balalarnıñ kanikulları räxät uzsın öçen, alarnıñ talantların häryaklap üsterü öçen barlık şartlar häm mömkinleklär tudırılgan. Smenalarnıñ kön tärtibe dä näk menä şuña korıla. Sälät xäräkäte sälätle yaşlärneñ küpkırlı şäxes bularak üseşenä, alarnıñ psixologik häm sotsial adaptatsiyasenä, icadi häm intellektual potentsialın açuga yardäm. Häm bolar barısı da unikal tatar telle moxittä, milli uennar, cırlar, biyulär yardämendä balalarga tatar telen öyränergä, ruxi baylıkların arttırırga, yaña duslar tabarga yardäm itä», - dip assızıkladı «Sälätle cäy» üzäge citäkçese Ayaz Xänäfin.

14 iyunnän 20 iyungä kadär Bilärdä «Bolgar –Tugan tel» töbäkara palatkalı lager uzaçak. Smena eşçänlege «Tatarstan Respublikası däülät tellären häm Tatarstan Respublikasında başka tellärne saklau, öyränü häm üsterü buença Tatarstan Respublikası däülät programmasın» gamälgä aşıru kısalarında oeştırıla. Proektnıñ maksatı – yaşlärneñ igtibarın tatar telen öyränügä cälep itü. Bu maksatka ireşü öçen yaña mäglümati häm metodik eşlänmälär faydalanıla, tatar mädäniyate traditsiyaläre üzläşterelä, aktiw pozitsiya yagınnan sälätle şäxes tärbiyaläüneñ innowatsion metodları kullanıla.

24 iyunnän 10 awgustka kadär Bilär tarix-arxeologiya muzey-tıyulıgı territoriyasendä «Sälät»XIV Xalıkara yaşlär mägarif forumı uzaçak. Tatarstan Respublikası Räise Röstäm Miñnexanow yardäme belän uzdırıla torgan yaşlär proektı Tatarstan Respublikası rayonnarınnan 14 000 sälätle balanı, ostazlarnı, Rossiyaneñ başka regionnarınnan häm çit illärdän kilgän watandaşlarnı berläşteräçäk.

Forum kısalarında törle yunäleşlär häm profillär buença altı smena uzaçak. Belem birü, mädäni häm sport programmaların ütkärü planlaştırıla. Forumda katnaşuçılar üzläreneñ täcribäläre belän Tatarstan häm Rossiyaneñ äydäp baruçı belgeçläre, muzıkantları, artistları belän urtaklaşaçaklar.

Smenalar ütkärü dataları:

HÖNÄRLÄR BILÄR FORUM (Remesla / Junior skills) 24 - 28 iyun

ICAT BILÄR FORUM (Tworçestwo / Arts) 2 iyul - 6 iyul

SÄLÄT BILÄR FORUM (Selet)  9 - 13 iyul

MÄGLÜMATI TEXNOLOGIYaLÄR BILÄR FORUM (Informatsionnıe texnologii / Information Technologies) 16 iyul – 22 iyul

MEDIA BILÄR FORUM (Media) 25 iyul - 31 iyul

ALDINGILAR BILÄR FORUM (Perwıe / Forward) 4 - 10 awgust.

Katnaşuçılarnı Tatarstan häm Rossiyaneñ äydäp baruçı belgeçläre belän master-klasslar kötä. Forumnı tämamlauçı ALDINGILAR BILÄR FORUM FORUMI (Perwıe / Forward) Rossiya balalar häm yaşlär xäräkäte «Berençelär xäräkäte» belän berlektä oeştırılaçak.

Tulırak: https://minmol.tatarstan.ru/tat/index.htm/news/2409457.htm