«Сәләт» быелгы сәлкешләр өчен ниләр әзерләгән?

«Sälätle cäy» yal itü kampaniyase kısalarında bıel törle alannar eşläyaçäk, forumnar uzaçak. Tatarstan, Başkortstan, Çuaşiya häm Kırım bazalarında 25 profille smena, 6 forum ütkärü planlaştırıla. Alarda 7-18 yaşlek balalar häm yaşüsmerlär katnaşaçak.

-    Härber alan ul , älbättä, zur eş, zur komanda. Bu eş el däwamında alıp barıla. Keşedä el saen nindider üzgäreşlär bula bit, «Sälät» tä ul canlı moxit, küreneş. Oeşma da ul, xäräkät tä. Şuña kürä üzgäreşlär dä şaktıy. Ämma iñ zur üzgäreş, minemçä, ul katnaşuçılarda, äydamannarda. Balalar sanı artır dip planlaştırabız, - dide Tatarstan Respublikası Räise yardämçese, «Aldıngılar xäräkäte» oeşmasınıñ respublika bülege citäkçese Timur Söläymanow.

Tatarstan Respublikası yaşlär eşläre ministrı urınbasarı Aygöl Sabirowa süzlärençä,  «Sälät»neñ masştabları bügen Tatarstanga gına tügel, böten dönya buylap ta taralgan dip äytergä bula.

-    Sälätlelär öçen dä, bezneñ öçen dä «Sälätle cäy» – ul ber kulminatsion xalät,  yal itü kampaniyase däwerendä tatar telen saklap kaluga gına tügel, ä, gomumän, sälätle balalarnı häm yaşlärne tuplau, alarnıñ talantların tagın da kamilläşterü, arttıru buença törle çaralar oeştırabız, alarnı el däwamında äzerläp kiläbez, – di Aygöl Sabirowa. 

«Sälät» alannarı 25 maydan alıp 30 awgustka kadär üz eşçänlegen däwam itäçäk. 700 keşelek äydamannar komandası äzerlängän, alannarda häm forumnarda şulay uk 700 dän artık ukıtuçı häm ostaz eşläyaçäk. Cäy däwerendä 10 meñnän artık bala yal itä häm östämä belem tuplıy alaçak. 

«Sälät» 7 könlek smenalar da, 18 kön däwamında eşlägän alannar da oeştıraçak. Alarnıñ härkaysınıñ üz yunäleşe bar: 7-11 yaşleklär öçen media, olimpiadalarga äzerlek, injenerlık ostalıgı, tatar telen häm ädäbiyatın tiränten öyränü. Ä ölkänräklärgä lingwistika, arxitektura, dizayn, smm, törle fännärne tiränter öyränü, icat yunäleşläre täkdim itelä. 

Smenalarda katnaşu öçen böten yaulangan uñışlarıñnı kürsätep, gramota-diplomnarnı berketep, gariza yazarga kiräk. Saylap alu konkurs nigezendä oeştırıla. Elek-elektän eşläp kilgän «Sälät-Rauşan», «Sälät-Ruxiyat» kebek smenalarga konkurs ber urınga 8-9 keşe täşkil itä, yañarak smenalarga ber urınga 2-3 keşe dägwa itä. Smenalar arasında äti-änilär öçen tulaem buşlay bulgannarı da (alar respublika byudjetınnan finanslana), tüläüleläre 7-8 başlap 40 meñ sumga kadär citä.

Tulırak: https://shahrikazan.ru/news/top-tema/salat-byelgy-salkeslar-ocen-nilar-azerlagan