2025 елда «Сәләт» лагерьларында 4 меңгә якын бала ял итәчәк
.jpg "2025 elda «Sälät» lagerlarında 4 meñgä yakın bala yal itäçäk")
23.04.2025
2025 elgı cäyge sezonda «Sälät» lagerları 4 meñgä yakın balanı kabul itäçäk. Yal itü üzäkläre Tatarstan, Başkortostan, Çuwaşiya häm Kırım respublikalarında urnaşaçak. Bu xakta bügen «Tatar-inform»da uzgan matbugat oçraşuında xäbär ittelär.
«Sälät» yaşlär üzäge direktorı Aygöl Gabdraxmanowa beldergänçä, smenalar Tatarstan, Rossiya töbäklärennän häm çit illärdän kilgän balalarnı berläşteräçäk.
«Sälätle cäy – 2025» yal itü kampaniyase mart aennan başlap üz eşçänlegen aktiw räweştä başlap jibärde. Bıel 26 maydan başlap 31 awgustka kadär eşläyaçäk 24 «Sälät» alanında 3500 dän artık bala yal itüe kötelä. Alannarda, gadättägeçä, portfolio nigezendä saylap alıngan törle yaş kategoriyalärendäge, küp ölkälärdä ireşkän uñışları bulgan, Tatarstan Respublikası rayonnarı, mäktäpläre, Rossiya töbäkläre ukuçıları, aktiwistları, «Sälät» berläşmäseneñ rayon mäktäp klubları liderları katnaşa alaçak. Alannarda, 7 yaştän alıp 18 yaşkä kadärge balalar häm yaşüsmerlär katnaşaçak», – dide «Sälät» yaşlär üzäge direktorı.
Här balanıñ üzenä oşagan profille alannı saylau häm şuşı yunäleşne tiränten öyränü mömkinlege bar. Cäyge alannarnıñ isemlege belän «Sälät»neñ räsmi saytında tanışırga mömkin.
«Garizalar portfolio-selet.ru saytında kabul itelä. Gariza cibärü tärtibe bik gadi: saytka kerep, bala turında barlık kiräkle mäglümatlarnı häm anıñ barlık bulgan uñışların tutırırga häm barırga telägän alanına gariza cibärergä kiräk», – dip añlattı «Sälätle cäy» üzäge citäkçese Ayaz Xanafin.
14 iyunnän 20 iyungä kadär töbäkara çatırlı «Bolgar –Tugan tel» alanı uzaçak. Alan eşçänlege «Tatarstan Respublikası däülät telläre häm Tatarstan Respublikasındagı başka tellärne saklau, öyränü häm üsterü buença Tatarstan Respublikası däülät programması»n gamälgä aşıru kısalarında oeştırıla.
«Proektnıñ maksatı – yaşlärneñ igtibarın tatar telen öyränügä cälep itü. Älege maksatka ireşü öçen yaña mäglümati häm metodik eşlänmälär kullanıla, tatar mädäniyate traditsiyaläre üzläşterelä, aktiw pozitsiyale sälätle şäxes tärbiyaläüdä innowatsiyale alımnar kullanıla», – dide Aygöl Gabdraxmanowa.