«Сәләт»кә юллама – балалар өчен иң яхшы җәйге бүләк

04.04.2025 Cäy – balalar öçen mäktäp häm däreslär turında beraz onıtıp, räxätlänep yal itü wakıtı! Küp kenä äti-änilär isä balalarınıñ cäyge kanikulların niçek itep faydalı häm küñelle itep oeştıru turında uylana. Ä menä cäyge lager – balalar öçen wakıtnı faydalı da, küñelle dä, iñ möhime – dustanä moxittä ütkärü öçen menä digän mömkinlek!

«Sälät»neñ cäyge profille smenalarında yal itü – balalar häm yaşlär öçen belem alu, sälätlärne üsterü, icat, duslık häm üzara yardämläşü moxitendä aktiw yalnı berläştergän unikal täcribä ul. El saen sälkeşlär («Sälät» lagerenda katnaşuçı balalar) häm alarnıñ äti-äniläre bigräk tä zarıgıp kötkän yañalık – «Sälätle cäy» yal itü kampaniyase üz eşçänlegen başlap cibärü!

1994 nçe elda 65 bala häm ber alannan başlangan Sälät xäräkäte bügenge köndä Tatarstan gına tügel, tatarlar yaşägän barlık töbäklärdän kilgän balalarga häm yaşlärgä zur mömkinleklär birüçe sistemaga äwerelde. Bügenge Sälät dönyası – tatar telen öyränügä, üsterügä, tatar dönyası, mädäniyatı, tarixı belän sälätle balalarnı tanıştıruga yunältelgän kiläçäk buınnı üsterüçe häm tärbiyaläüçe xäräkät. Ul belemgä, fängä, icatka, sportka tartılgan balalarnı, aeruça sälätlären törle konkurslarda, olimpiadalarda kürsätkän balalarnı barlau, saylau, üsterü moxite.

El däwamında «Sälät» yaşlär üzäge tarafınnan Tatarstannıñ distälägän rayonnarında, Rossiya töbäklärendä häm xätta çit illärdä uku-ukıtu alannarı uzdırıla, tatarlar yaşägän barlık töbäklärdän çakırıp, meñlägän tatar yaşlären yözlägän çaralar, distälägän zur forum, festiwallärdä kaynata.

«Sälätle cäy – 2025» yal itü kampaniyase kısalarında, gadättägeçä, profille alannar, töbäkara çatırlı «Bolgar –Tugan tel» alanı, XIV Xalıkara «Sälät» yaşlär uku-ukıtu forumı planlaştırıla. Alan – töp smena, ul 14-18 kön däwam itä. 26 maydan alıp 31 awgustka kadär «Sälät» sälamätländerü lagerları sisteması kısalarında törle yunäleşlärdä 24 cäyge profille smena uzdırılaçak. Balalarnıñ sälätlären bar yaklap üsterü mömkinlegen buldıru öçen tübändäge yunäleşlär buença härber smena öçen maxsus uku-ukıtu programması äzerlänä: liderlık potentsialın üsterü; tatar tele, mädäniyate häm tarixı; finans gramotalılıgı häm biznes-proektlaştıru; kinematografiya; mäglümati texnologiyalär; media häm jurnalistika; telewidenie; tellär häm illärne öyränü; fän häm intellekt; ekologiya; icat; arxitektura häm dizayn; injenerlık ostalıgı; sport häm turizm. Smenalarnıñ ostazlar sostawı yaş galimnär, aspirantlar häm magistrantlardan tözelä. Däreslärdän tış, balalarnı kızıklı mädäni-icadi programma kötä: kön däwamında saf hawada sport uennarı, interaktiw, mawıktırgıç kiçke çaralar häm kızıklı oçraşular, ostaxanälär.

Smenalar zur zamança cihazlandırılgan häm barlık yaşäü şartları tudırılgan bazalarda ütkärelep kilä: «Yoldızlı» balalar sälamätländerü üzäge (Laeş rayonı); «Dubok» balalar sälamätländerü üzäge («Fänsar», Alekseewsk rayonı); «Idel» balalar sälamätländerü üzäge («Argamak», Kama Tamagı rayonı); «Sälät — Batır» yaşlär ibtimagıy üzäge (Çuwaşiya Respublikası, Batır rayonı); çatırlı lager (Alekseewsk rayonı, Bilär).

«Sälätle cäy» yal itü kampaniyasenä äzerlekle kadrlar cälep itelä. «Sälät» bu eşne el äylänäse alıp bara. Kadrlar äzerläü maksatında «Äydamannar mäktäbe», «Başcitäklär mäktäbe» häm «Ukıtuçılar mäktäbe» uzdırıla. Alarnıñ eşçänlegendä 700 dän artık keşe katnaşa. Barlık Sälät alannarında, proektlarında katnaşırga teläüçe äydamannar öçen maxsus onlayn- häm oflayn-däreslär oeştırıla.

Här balanıñ üzenä oşagan profille alannı saylau häm şuşı yunäleşne tiränten öyränü mömkinlege bar.Cäyge alannarnıñ isemlege belän Sälätneñ räsmi saytında tanışırga mömkin, garizalar portfolio-selet.ru saytında kabul itelä. Gariza cibärü tärtibe bik gadi: saytka kerep, bala turında barlık kiräkle mäglümatlarnı häm anıñ barlık bulgan uñışların tutırasız häm barırga telägän alanına gariza cibäräsez.

«Sälätle cäy — 2025» cäyge profille smenalarga garizalar cibärü inde mömkin. Biredä sezne şäp kanikullar, tanılgan şäxeslär belän tanışu, yaña duslar, kızıklı çaralar, yaña belem häm künekmälär kötä!

Tulırak: https://vatantat.ru/2025/04/166441/?ysclid=m92hqkkxj5331741481