М.И. Мәхмүтов исемендәге «Фәнсар» мәктәбенең Республикакүләм фәнни-гамәли конференциясе

30 aprel könne Sälät Yortında (Ostrowskiy ur., 23) M.I. Mäxmütow isemendäge «Fänsar» mäktäbeneñ IX Respublikaküläm fänni-gamäli konferentsiyase uzaçak. 

M.I. Mäxmütow isemendäge «Fänsar» mäktäbeneñ Respublikaküläm fänni-gamäli konferentsiyase Tatarstan töbäk «Sälät» yaşlär fondı tarafınnan «Sälät» yaşlär üzäge däülät byudjet uçrejdeniyase belän berlektä Tatarstan Respublikası Fännär akademiyase, Tatarstan Respublikası Mägarif häm fän ministrlıgı, Tatarstan Respublikası yaşlär eşläre ministrlıgı häm Kazan federal (Idel bue) uniwersitetı katnaşında ütkärelä.

Konferentsiya fänni eşlär konkursı bularak karala, fänni eşlär ber yaki berniçä awtor tarafınnan başkarıla häm ekspertlar sowetı tarafınnan bäyalänä. Näticälär Konferentsiya axırında yasala häm tantanalı räweştä iglan itelä.

Konferentsiyaneñ burıçları:

- fən yunəleşendə sələtle ukuçılarnı bilgeləü

- icadi həm intellektual yarış aşa ukuçılarnı törle fən ölkələrenə cəlep itü, kızıksındıru, aktiwlaştıru;

- intellektual-icadi eşçənlekne populyarlaştıru, ukuçılar arasında fundamental həm gaməli fənnərgə kızıksınu tudıru;

- fənni tikşerenülərgə kızıksınu uyatu, katnaşuçılarnı törle yunəleştəge fənni məktəplərgə cəlep itü (matematika, informatika, lingwistika, meditsina, iktisad, biologiya, arxeologiya);

- fənni-tikşerenü institutları, yugarı uku yortları galimnəren məktəp  ukuçıları belən fənni eşlər başkaruga cəlep itü, üz fənnərenə karata balalarda kızıksınu uyatu mömkinlekləre tudıru;

- məktəp ukuçıları başkargan fənni eşlərneñ citəkçese, yaisə konsultantı bularak katnaşuçı ukıtuçılarnıñ fən belən kızıksınuın arttıru həm fənni aktiwlıgın üsterü;

- ukıtu protsessında ukuçılarnıñ fənni tikşerü eşçənleklərenə bəyle məgarif programmaların həm metodikaların üsterü;

- tatar telen fundamental həm gaməli fənnər ölkəsendə aktiw kullanu öçen motiwatsion şartlar tudıru.