Watandaşlarnı Sälät alannarına çakırabız! ← kire kaytirga

Igtibar! 2018 elda Sälätneñ cäyge profille smenalarında katnaşu öçen grant aluga çit illärdä yaşäüçe watandaşlar arasındagı balalar häm yaşlär öçen ütkärelä torgan Konkurs iglan itelä.

Siña 12-18 yaş? Sin yaki sineñ tugannarıñ tumışları belän Tatarstannan, ä xäzerge wakıtta sez çit ildä torasız? Dimäk, bu konkurs näk menä sineñ öçen! Koyaşlı cäyne Tatarstan Respublikasında ütkärü mömkinlegen kulıñnan ıçkındırma! Iskitkeç matur şähär – Kazan belän tanışıp, 18 kön buena Tatarstannıñ häm Rossiyaneñ sälätle balaları belän bergä Sälät oeşmasınıñ cäyge profille smenalarınıñ bersendä yal itä alaçaksıñ. Sine onıtılmas mizgellär, kızıklı ostaxanälär, sport, mädäni çaralar kötä! Şulay uk sin Tatarstannan, Rossiyaneñ törle töbäklärennän häm çit illärdän kilgän berniçä meñ üzeñ kebek sälätle häm kızıksınuçan balalar cıelgan Xalıkara yaşlär uku-ukıtu forumında katnaşu mömkinlegenä iya bulaçaksıñ!

Konkursta katnaş häm cäeñne üzeñneñ tarixi watanıñda kızıklı häm faydalı itep uzdır. Sin bezneñ belänme? Ul çakta, gariza tutırırga aşık!

Ul çakta, nigezlämäne öyrän, garizanı tutır, häm kiläse smenalarda katnaş: 

- «Sälät-Ostalar bistäse» (11-24 iyun); 
- «Sälät-Rauşan» (26 iyun-13 iyul); 
- «Sälät-Ruxiyat» (24 iyun-9 iyul); 
- «Sälät-Yar Çallı (24 iyun-9 iyul); 
- «Sälät-Bilär kalası» (27 iyun-10 iyul); 
- «Sälät-Sanak» (13 iyul-26 iyul); 
- «Sälät-Akbüre» (29 iyul-11 awgust).