Watandaşlar öçen «Tulpar» konkursı kire kaytirga

Watandaşlar öçen «Tulpar» konkursı

«Tulpar» konkursınıñ garizalar birü kampaniyasenä start birelde.

«Tulpar» konkursı – yakın häm erak çit illärdä yaşäüçe watandaşlarga Sälätneñ 2018 el cäyge smenalarında katnaşu öçen grant alu mömkinlege.

Älege bäyge Tatarstan Respublikası «Sälät» yaşlär ictimagıy fondı, Tatarstan Respublikası yaşlär eşläre häm sport, mägarif häm fän Ministrlıkları, Tatarstan Respublikası Prezidentı Röstäm Nurgali ulı Miñnexanow yöklämäse häm yardäme belän berlektä tormışka aşırıla.

«Tulpar»nıñ iñ töp maksatlarınıñ berse – yakın häm erak çit illärdä yaşäüçe watandaşlarnı, sälätle balalarnı häm yaşlärne Sälätneñ belem birü moxitenä cälep itü.

Biredä barlık balalar öçen sıyfatlı yal, milli goref-gadätlär, tatar telen öyränü moxite, alar Tatarstan Respublikasında katnaşa ala torgan proektlar belän tanışu karalgan.

Konkurs berniçä etapta ütkärelä.

Berençe etap – «Çittän torıp. Saylap alu etabı»: konkursta katnaşu öçen garizalar bezneñ saytta kabul itelä  (sıltama)   häm wideo töşerü dä taläp itelä (ul 2 minuttan da artık bulmaska tieş). Älege wideoyazmanı seletvatandashlar@gmail.com elektron poçtaga 2018-nçe elnıñ 15-nçe aprelga kadär cibärergä kiräk.

Ikençe etap – «Töp etap. Saylap alu etabı»: 1-nçe etapnı uzgan katnaşuçılar belän onlayn-äñgämä. Älege etap 2018-nçe elnıñ 15-20-nçe aprel könnärendä uzaçak.

Konkurs näticäläre aprel axırında bilegele bulaçak.

«Tulpar»nıñ katnaşuçıları – bäyge bargan wakıtta yakın häm erak çit illärdä yaşäüçe watandaşlar, 12-18 yaşlek balalar häm yaşlär.

Konkurs ciñüçelärenä yaşäü urınınnan Kazanga kadär transfer, yaşäü, şähär buença ekskursiyalär, tübändäge Sälätneñ cäyge profil smenalarında yal itü öçen grant täkdim itelä:

- «Sälät-Ostalar bistäse» (11-24 iyun);
- «Sälät-Rauşan» (26 iyun-13 iyul);
- «Sälät-Ruxiyat» (24 iyun-9 iyul);
- «Sälät-Yar Çallı (24 iyun-9 iyul);
- «Sälät-Bilär kalası» (27 iyun-10 iyul);
- «Sälät-Sanak» (13 iyul-26 iyul); 
- «Sälät-Akbüre» (29 iyul-11 awgust).

Konkursnıñ nigezlämäse belän monda tanışıp bula.