«СӘЛӘТ - ARTS BILER FORUM»: ГАРИЗАЛАР КАБУЛ ИТЕЛӘ БАШЛАДЫ

Närsä ul «Arts Biler Forum»?

Älege forum berençe tapkır 2018 elda oeştırıla. Traditsion räweştä Bilär däülät tarixi-arxeologik muzey-tıyulıgı territoriyasendä ütkärelä.

Forum kısalarında katnaşuçılar unikal belem häm ekspertlardan kiñäşlär ala, üzlären  kürsätü, başka katnaşuçılar häm ekspertlar belän elemtä buldır mömkinlegenä iya bula, törle yunäleşlär häm janr üzençälekläre belän tanışa.

Nilär kötelä?

Forumnıñ uku-ukıtu programması kısalarında här yunäleş öçen («biyu yunäleşe», «muzıka yunäleşe», «teatr yunäleşe») icadi laboratoriyalär eşläyaçäk. Katnaşuçılar arasında indiwidual başkaruçılar, kollektiwlar häm kollektiwlardan saylanıp alıngan berniçä katnaşuçı bula ala.Här laboratoriya üzeneñ icadi eşen Forumnıñ gala-kontsertında kürsätäçäk. Barlık katnaşuçılar da Xalıkara «Sälät» yaşlär belem birü forumı katnaşuçısı diplomnarı belän büläklänä.

Katnaşu öçen nişlärgä kiräk?

Kataşu öçen garizalarnı 2020 elnıñ 29 aprelennän 24 maena kadär kaldırırga bula. Garizalar selet.biz saytında kabul itelä. Forumda aerım başkaruçılar häm kollektiwlar katnaşa ala. Katnaşuçılarnıñ yaşe  – 12 yaştän alıp 22 yaşkä kadär.

P.S.: Epidemiologik wäzgıyatkä bäyle räweştä Forumnıñ ütkärelü wakıtı kiçekterelä ala. Monıñ turında katnaşuçılarga aldan xäbär iteläçäk. Şulay uk üzgäreşlär belän selet.biz saytında da tanışıp bara alasız.

Çıganak: «Yalkın» jurnalı