Магистрант ВШЖиМК – обладатель премии "Сәмрух-2018"

Gabdulla Tukay isemendäge Tatar däülät filarmoniyasendä talantlı balalarnı häm yaşlärne üsterü ölkäsendä birelä torgan «Sämrux-2018» el premiyaseneñ büläkläü tantanası uzdı.

Premiya «Sälät» oeşması tarafınnan oeştırıla häm sälätle yaşlärne üsterü, oeşma belän bergä eşläüçe ostazlarnı, partnerlarnı, awtorlarnı häm oeştıruçılarnı büläkläüne küzdä tota. Bıel tantana Sälätneñ 25 ellıgı uñaennan oeştırılgan ide.

Premiya üz eçenä 8 nominatsiyane aldı: «El sälkeşe», «El äydamanı», «El ölkän äydamanı», «El direktorı», «El alanı», «El kuldaşları», «El klubı» häm «Sälät cırlıy».

Konkurs etapları şäxsi häm komanda kazanışlarınnan torgan portfolio tuplaudan, ekspertlar soraularına cawap birüdän häm intellektual wiktorinadan tordı. Ekspertlar bularak ministrlık häm wedomstwo wäkilläre, galimnär häm mädäniyat ölkäsendä eşläüçelär, şulay uk tanılgan cämägat eşlekleläre häm yaşlär oeşmaları citäkçeläre çakırılgan ide.

KFUnıñ Jurnalistika häm massaküläm kommunikatsiyalär yugarı mäktäbe magistrantı Bulat Gaynetdinow «El direktorı» nominatsiyasendä ciñü yauladı.

«Bu premiyadä ciñü ciñel birelmäde, çönki monda saylap alu turında kürsätkän ostalıklarıña gına tügel, el däwamında eşlägän eşeñä bäya birelä. Üz-üzemä ışanuım yardäm itte. Min bu premiyadä inde ikençe tapkır katnaşam. Uzgan el «El kuldaşları» nominatsiyasendä ciñgän idem», – dip söyläde ul.

Ciñüçelärgä diplomnar häm «Sämrux» sınnarı tapşırıldı.

Awtor: Rufinä Gimaletdinowa